लूका 17:27 - परमेश्‍वरए ताँ तमु क्युइर

²⁷ नोआ क्‍यु झाजर आहोंन् समा च त्‍हेर्बै म्हिमैं चब, थुँब, ब्ह्‍या लब लसिन् मुँल, चमैं छले ढुक्‍कले ह्रों-ह्रोसए पार्लेन् प्ररिबै त्हेर्न थाइ आसेल्‍ले थेबै नाँ बाडिइ युसि म्हिमैं ताँन् सैवाइ।

लूका 17:27 ပူးပေါင်းရင်းမြစ်များ

उत्पत्ति 7:23

पृथ्‍बीर मुँबै ताँन् सो प्ह्‍याबै सैमैं म्हि, खेदो, क्ल्याँइ प्रबै प्हँलाँ-प्हुँलुँ, नमेंमैं ताँन् पृथ्‍बीउँइँले याहवेहजी नास लवाइ। नोआने बालु झाजर मुँब्मैं मत्‍त्रे सोइ।

उत्पत्ति 7:7

नाँ बाडिउँइँले सोरिगे बिसि नोआ, चए प्ह्रेंस्यो, च्ह-चोंमैं क्यु झाज न्होंर होंइ।

मत्ती 22:30

तलेबिस्याँ सिबै म्‍हिमैं धबै सोगों तबै लिउँइँ चमैं स्‍वर्गर्बै स्‍वर्गदूतमैं धोंन् तब्‍मुँ। छतसि म्‍हिमैंइ ब्ह्‍या आल ब्ह्‍या या आलमिं।

लूका 17:26

“स्‍योंम्‍बै नोआए पलोर खै तल, म्हिए च्ह धबै युबै त्‍हेरै या छान् तब्‍मुँ।

लूका 17:28

“स्‍योंम्‍बै लोतए पलोरै या छान् तल। सदोमथेंमैं चइ-थुँइन मुँल, चुँब्-किंब लसिन् मुँल, बालि-पुलि ल्‍हैदिसिन् मुँल, धिंमैं बनेसिन् मुँल।