लूका 17:26 - परमेश्‍वरए ताँ तमु क्युइर

²⁶ “स्‍योंम्‍बै नोआए पलोर खै तल, म्हिए च्ह धबै युबै त्‍हेरै या छान् तब्‍मुँ।

लूका 17:26 ပူးပေါင်းရင်းမြစ်များ

उत्पत्ति 6:5

पृथ्बीरि म्हिमैंइ ल्हें आछ्याँबै केमैं लब्रें लइ। धै खोंयोंन् बिलै चमैंइ आछ्याँबै ताँमैं मत्‍त्रे मैंरिब याहवेहजी म्रोंइ।

उत्पत्ति 6:7

छतसि याहवेहजी बिइ, “ङइ बनेबै म्हिमैं, सर क्ल्याँसि प्रबै प्हँलाँ-प्हुँलुमैं, क्ह्‍योंर टिबै खेदोमैं नेरो मुर्बै नमेमैं ताँन् पृथ्‍बीउँइँले नास लवाब्मुँ। तलेबिस्याँ चुमैं बनेबइले ङए सैं नइमुँ।”

उत्पत्ति 6:8

दिलेया नोआलाइ बिस्याँ याहवेहजी छ्याँब म्रोंइ।

लूका 17:22

येशूजी खीए चेलामैंने बिइ, “तिंगेंन् बिलेया म्हिए च्हजी ग्याल्स लब् म्रोंल् योंस्याँ तमल बिबै त्‍हे प्हँन लिउँइँ खब्मुँ, दिलेया क्हेमैंइ म्रोंल् योंरिब् आरे।

लूका 17:24

तलेबिस्याँ मुर काँम्‍लि-तिम्‍लि रामा मुए छेउ घ्रिउँइँले अर्को छेउ समा चारमुँ, छलेन म्हिए च्ह युबै त्हिंइरै या छान् तब्मुँ।

लूका 17:27

नोआ क्‍यु झाजर आहोंन् समा च त्‍हेर्बै म्हिमैं चब, थुँब, ब्ह्‍या लब लसिन् मुँल, चमैं छले ढुक्‍कले ह्रों-ह्रोसए पार्लेन् प्ररिबै त्हेर्न थाइ आसेल्‍ले थेबै नाँ बाडिइ युसि म्हिमैं ताँन् सैवाइ।

लूका 17:7

येशजी धबै बिइ, “क्‍हेमैं खाबज्यै या ह्रोंस‍ए के लबै म्‍हि म्रोंर के लसि र-क्‍यु छसि धिंर खबै तोदोंन् चने युन्ले ‘कैं चखो,’ बिम्‌ रो वा?

लूका 18:8

ङ क्हेमैंने बिमुँ, खीजी ह्रोंस‍ए म्हिमैंए ल्हागिरि युनन् निसाफ लमिंब्मुँ। दिलेया म्हिए च्ह धबै ह्‍युलर युमा बिश्‍वास लसि टिरिब्मैं खीजी त्‍होल् योंलै रो वा?”

हिब्रू 11:7

बिश्‍वासउँइँलेन् नोआज्यै च त्हे समा आम्रोंबै केमैंए बारेर परमेश्‍वरउँइँले था सेइ। धै खीजी बिबै ताँ क्वेंसि ह्रोंसए परवा जोगेबर नोआइ क्‍यु झाज घ्रि बनेइ। धै “ह्‍युलर्बै म्‍हिमैंइ परमेश्‍वरजी बिबै ताँ आक्वेंइमुँ,” बिसि नोआइ चमैंलाइ छ्याब् मुँबन् ठर्दिइ, दिलेया ह्रोंसए बिश्‍वासउँइँले च ठिक ठर्दिइ।

२ पत्रुस 2:5

छलेन ओंसोंबै पृथ्बीलाज्यै या परमेश्‍वरजी नास लवाइ, खीजी बिब् आङिंसि खैच्हिजी लप्रबै ताँन् म्हिमैंलाइ खीजी क्‍युइ म्‍यालवासि सैवाइ। दिलेया ठिक के लल् त्हुम् बिसि बिप्रबै म्हि नोआ मुँल। छतसि परमेश्‍वरजी नोआ नेरो अरू म्हि ङि जोगेमिंइ।

२ पत्रुस 3:6

धै च त्हेर्बै ह्‍युल नाँ बाडिए क्युइ प्ल्हुँवासि नास तयाइ।