लूका 17:24 - परमेश्‍वरए ताँ तमु क्युइर

²⁴ तलेबिस्याँ मुर काँम्‍लि-तिम्‍लि रामा मुए छेउ घ्रिउँइँले अर्को छेउ समा चारमुँ, छलेन म्हिए च्ह युबै त्हिंइरै या छान् तब्मुँ।

लूका 17:24 ပူးပေါင်းရင်းမြစ်များ

मत्ती 24:27

तलेबिस्याँ स्यारउँइँले (पूर्वउँइँले) काम्‍लि-तिम्‍लि रामा न्हुउँइँ (पश्‍चिम) समा चारब् धोंले म्हिए च्ह ताँनइ म्रोंन्‍ले युब्‍मुँ।

मत्ती 24:30

च लिउँइँ मुर म्हिमैंइ म्हिए च्हए चिनु म्रोंब्मुँ। धै म्हिए च्ह मुउँइँले थेबै शक्‍ति नेरो म्हारल्‍ले न्हाँम्स्योर युरिब म्हिमैंइ म्रोंब्‍मुँ। च त्हेर ताँन् ह्रें-ह्रेंर्बै म्हिमैं बेल्‍ले न्हुँ लसि क्रोब म्होब तब्मुँ।

मत्ती 25:31

“म्हिए च्ह म्रुँ तसि खीए थेबै मानर ल्हें स्‍वर्गदूतमैंने बालुन युब्मुँ, धै ह्रोंसए पबित्र राजगद्दिर टिब्‍मुँ,

मत्ती 26:64

येशूजी चने बिइ, “ङ चन् ग बिसि क्‍हिइन बिइमुँ दि। ङ क्हेमैंने बिमुँ, तारे म्हिए च्ह ताँनइ म्हाँदिल् त्हुबै परमेश्‍वरए क्‍योलोउँइँ क्हुँरिब नरो मुर्बै न्‍हाँम्‍स्योर युरिब क्‍हेमैंइ म्रोंब्‍मुँ।”

मत्ती 5:15

म्हिमैंइ पानस म्रोसि पथि न्होंर आथें। बरु धिं न्होंर मुँब्मैंइ मि म्रोंरिगे बिसि पानस नुबै क्‍ल्‍ह्‍योर थेंम्।

१ कोरिन्थी 1:8

ङ्योए प्रभु येशू ख्रीष्‍ट युबै त्हिंइर क्‍हेमैंलाइ तोइ छ्याब् आरेब लमिंरिगे बिसि खीजीन् लिउँइँ समा क्हेमैंए बिश्‍वासर भोंब लमिंब्मुँ।

१ थेसलोनिकी 5:2

तलेबिस्याँ म्‍हुँइँसरि ह्‍यो खब् धोंले प्रभु युबै त्हिंइ तब्‍मुँ बिसि क्‍हेमैंज्यै छेनाले सेइमुँ।

२ थेसलोनिकी 2:2

“प्रभु युल् खाँइ बिसि पावलइ लोमिंइ,” बिबै स्योलिबै ताँ खाबज्यै या आक्वेंन्, क्‍हेमैंए सैं आआदिद्। ङिइ छले सुँइ आबि, प्ह्रिछ्यार आप्ह्रि, तोइ अगमबाणि आपों।

२ थेसलोनिकी 2:8

लिउँइँ परमेश्‍वरजी पिवासि च दुष्‍ट शत्‍त्रु त्‍होंब्मुँ, दिलेया प्रभु येशू युबै त्हेर्बै चारबै ह्‍वे नेरो खीए सुँउँइँले त्होंबै सोइ चलाइ नास लवाब्‍मुँ।

याकूब 5:8

च धोंलेन् क्‍हेमैं या ह्रेसि टिरिद्। ह्रोंसए सैं भोंब् लद्, तलेबिस्याँ प्रभु येशू युनन् युब्मुँ।

२ पत्रुस 3:10

दिलेया खाबज्यै आसेल्‍ले ह्‍यो खब् धोंले प्रभु खैलसे युब्‍मुँ। च त्हिंइर मु थेबै कैले म्हयाब्मुँ, मुर्बै ताँन् सैमैं मिइ ख्रोंसि नास तयाब्मुँ, धै चु ह्‍युल नेरो ह्‍युलर्बै सैमैं ताँन् म्हयाब्‍मुँ।