लूका 17:21 - परमेश्‍वरए ताँ तमु क्युइर

²¹ ‘ङ्‌ह्‍योत्ति! परमेश्‍वरए ग्याल्स चुर मुँ’ ‘चर मुँ’ बिसि खाबज्‍यै बिल् आखाँ। तलेबिस्याँ परमेश्‍वरए ग्याल्स क्‍हेमैंए म्‍हाँजोर्न मुँ।”

लूका 17:21 ပူးပေါင်းရင်းမြစ်များ

मत्ती 12:28

ङइ परमेश्‍वरए पबित्र प्ल्हए शक्‍तिउँइँले मों ल्‍हाब् ग बिस्याँ परमेश्‍वरए ग्याल्स क्‍हेमैंए ङाँर युल् खाँइमुँ।

मर्कूस 13:21

“च त्हेर क्‍हेमैंने खाबज्यै ‘ङ्‍ह्‍योत्ति! परमेश्‍वरजी कुल्मिंबै म्रुँ ख्रीष्‍ट चुर मुँ, चर मुँ’ बिस्याँ चए ताँ आक्वेंन्।

लूका 17:23

म्हिमैंइ क्‍हेमैंने ‘ङ्‍ह्‍योत्ति! येशू चर मुँ’, ‘चुर मुँ,’ बिब्‍मुँ। दिलेया चमैंइ बिब आक्वेंन्, चमैंए लिलि आप्रद्।

लूका 21:8

येशूजी बिइ, “न्ह क्रों मि क्रोंले टिद्, क्हेमैंलाइ खाबज्यै लुल् आखाँरिगे। ल्‍हें म्हिमैं ङए मिं किंसि खब्मुँ, ‘ङ परमेश्वरजी कुलबै म्रुँ ख्रीष्‍ट ग’ बिब्‍मुँ, झाइले अरू म्हिमैंइ ‘ख्रीष्‍ट युबै त्‍हे चेंदो तखइमुँ’ बिब्‍मुँ, दिलेया चमैंए लिलि आल्‍हैदिद्, चमैंइ बिब आङिंन्।

यूहन्‍ना 1:26

यूहन्‍नाइ चमैंने बिइ, “ङइ मि म्हिमैं क्‍युर प्‍ल्हुँसि बप्‍तिस्‍मा पिंम्, दिलेया क्‍हेमैंए म्‍हाँजोर क्‍हेमैंइ ङो आसेबै म्हि घ्रि मुँ।

यूहन्‍ना 18:36

येशूजी बिइ, “ङए ग्याल्स चु ह्‍युलर्बै आङिं। ङए ग्याल्स चु ह्‍युलर्बै ङिंस्याँम् ङ येहूदिमैंए योर आफेरिगे बिसि ङए चेलामैं ङए ल्हागिर नेमल। धै ङ यहूदीमैंए योर आफेमल। दिलेया ङए ग्याल्स चु ह्‍युलर्बै आङिं।”

रोमी 14:17

तलेबिस्याँ ङ्योइ परमेश्‍वरलाइ म्रुँलाइ धोंले म्हाँदिइ बिस्‍याँ खीजी ङ्योलाइ थेबै आशिक पिंम्। च आशिक तो जा बिस्‍याँ तोन्‍दोंरि सै चब् थुँब् योंब मत्‍त्रे आङिं, दिलेया पबित्र प्ल्हजी ठिक ठर्दिमिंसि पिंबै शान्‍ति नेरो आनन्‍द ग।

कलस्सी 1:27

ताँन् ह्रेंमैंए ल्हागिरै या परमेश्‍वरए ताँ कति थेब मुँ बिसि खीजी ह्रोंसए म्हिमैंलाइ था सेमिंब सैं लइ। च औदिबै ताँ तो जा बिस्याँ क्‍हेमैंए सैं न्‍होंर ख्रीष्‍ट मुँब् ग। ख्रीष्‍ट क्‍हेमैं न्‍होंर मुँबइले क्‍हेमैंज्यै या परमेश्‍वरउँइँले थेबै मान योंब्‍मुँ।