लूका 17:20 - परमेश्‍वरए ताँ तमु क्युइर

²⁰ कोइ फरिसीमैंइ येशूने “परमेश्‍वरए ग्याल्स खोंयोंसेरो खम्?” बिसि ङ्योएमा येशूजी चमैंने बिइ, “परमेश्‍वरए ग्याल्स म्हिमैंए मिइ म्रोंल्‍ले आखा।

लूका 17:20 ပူးပေါင်းရင်းမြစ်များ

लूका 10:11

‘क्‍हेमैं परमेश्‍वरए बिरोधी तइ। छतसि चु छ्याब् पिंबै प्रमाणए ल्हागिर ङिए प्‍हलेर ङ्हाँबै त्‍हुलै या ङिइ चुर्न खारथेंम्। दिलेया चु ताँ सैंर थेंन् परमेश्‍वरए ग्याल्स क्‍हेमैंए ङाँर्न फेखइमुँ,’ बिद्।

लूका 14:1

तिगें प्रिबै त्हिंइर येशू फरिसी घ्रिए धिंर चब् चबर ह्‍याइ। च म्‍हि फरिसीमैं न्‍होंर्बै चिब मुँल। “येशूजी तो-तो लमगे?” बिसि म्हिमैंइ छैं लरिल।

लूका 16:16

“बप्‍तिस्मा पिंबै यूहन्‍नाए पलो समा स्‍योंमा परमेश्‍वरजी मोशाने पिंबै ठिम नेरो अगमबक्‍तामैंइ प्‍ह्रिबै छ्वे मत्‍त्रे मुँल। च त्हेसेरो तिंयाँ समा ‘परमेश्‍वरजी ग्याल्स लबर होंइमुँ। छतसि खीलाइ म्‍हाँदिद्, छ लस्याँ खीजी क्‍हेमैंए फिर आशिक पिंब्‍मुँ,’ बिसि परमेश्‍वरए ग्याल्सर्बै सैं तोंबै ताँ बिप्रइमुँ। छतसि ताँन् म्‍हिमैं ह्रोंसइ खाँन् समा भों लसि परमेश्‍वरए ग्याल्सए न्होंर होंम्।

लूका 19:11

येशू यरूशलेम सहर चेंदो फेख‍मा म्‍हिमैंए सैंर “परमेश्‍वरजी ग्याल्स लबै त्‍हे युनन् तबि छेना बिब् मैंसि खीए ताँ थेरिल। छतमा येशूजी चमैंने परमेश्‍वरए ग्याल्सए बारेर्बै ताँ अहानउँइँले बिइ।”

यूहन्‍ना 18:36

येशूजी बिइ, “ङए ग्याल्स चु ह्‍युलर्बै आङिं। ङए ग्याल्स चु ह्‍युलर्बै ङिंस्याँम् ङ येहूदिमैंए योर आफेरिगे बिसि ङए चेलामैं ङए ल्हागिर नेमल। धै ङ यहूदीमैंए योर आफेमल। दिलेया ङए ग्याल्स चु ह्‍युलर्बै आङिं।”