लूका 17:2 - परमेश्‍वरए ताँ तमु क्युइर

² चु च्‍युगुथिरि कोलोमैं धों तबै म्हि घ्रिलाइ पाप के लबर ल्हैदिस्याँ च म्हिइ सजैं योंब् भन्दा चए खरिर ह्रेंदो च्‍योसि मा ङ्युँइर भ्‍योंवाब् चए ल्हागिर छ्याँब तब्मुँ।

लूका 17:2 ပူးပေါင်းရင်းမြစ်များ

मत्ती 17:27

दिलेया चु म्‍हिमैं गार आम्‍हाँदिरिगे बिसि ङ्योइ बालि फोले। छतसि तालर ह्‍यासि बल्‍छि प्रिंन्। धाँसे ओंसों बल्‍छिर फेबै ताँग ट्हुइद्। चए सुँर क्‍हिइ चाँदिए मुइ घ्रि योंब्‍मुँ। च मुइ ङ्यो ङ्हिंए मन्दिरर्बै बालि फोब् योम्। चन् बोसि ङ्यो ङ्हिंए बालि फोबर चमैंने पिंन्।”

मत्ती 18:10

“छतसि ङ क्हेमैंने बिमुँ, छेनाले मैंन्! क्हेमैंइ छाबै कोलोमैं धों तब्‍मैं खाबलाज्यै या हेल आलद्। तलेबिस्याँ चमैं जोगेमिंबर स्‍वर्गदूतमैं स्‍वर्गरि खोंयोंन् बिलै ङए आबाए उँइँर्न तम्।

मत्ती 18:14

छलेन स्‍वर्गर मुँबै क्हेमैंए परमेश्‍वर आबालाज्यै या छाबै ङए फिर बिश्‍वास लबै कोलोमैं न्होंर घ्रि या नास आतरिगे बिबै सैं मुँ।

मत्ती 26:24

परमेश्‍वरए छ्वेर प्‍ह्रिब् धोंले म्हिए च्ह सिलन् त्‍हुम्, दिलेया म्हिए च्ह क्हाल् पिंबै म्हिलाइ धिक्‍कार मुँ। च म्हि आफिस्याँ चए ल्हागिरि छ्याँब तमल।”

मर्कूस 9:42

येशूजी धबै बिइ, “ङए फिर बिश्‍वास लब्‍मैंए न्‍होंरि खाबइ ङ ङाँइँले म्हि घ्रि फ्रेवामुँ, च केए थेबै सजैं योंब् भन्दा बरु थेबै ह्रेंदो चए खरिर च्‍योसि तालर भ्‍योंवाब च म्‍हिए ल्हागिर छ्याँब तमल।

यूहन्‍ना 21:15

चमैंइ चल् खाँबै लिउँइँ येशूजी सिमोन पत्रुसने “ओ यूहन्‍नाए च्ह सिमोन, क्हिइ ङने चुमैंइ भन्दा ल्हें म्हाँया लम्मा?” बिमा चइ खीने बिइ, “अँ प्रभु, ङइ क्हिलाइ म्हाँया लम् बिब क्हिजी सेइमुँ।” खीजी चने बिइ, “छ बिस्याँ ङए क्यु झजमैं चल् पिंन्।”

१ कोरिन्थी 9:15

दिलेया ङइ चु हग आम्है। तोगो या ङइ चु प्ह्रिछ्या हग योंरिगे बिसि प्ह्रिब् आङिं। ङइ प्हैंबै ताँ खाबज्यै या थोब् भन्दा बरु ङलाइ सिब सब् मुँ!

१ कोरिन्थी 9:22

छलेन बिश्‍वासर आभोंब्मैंए बिश्‍वास भोंब् तरिगे बिसि ङै या बिश्‍वासर आभोंब्मैं धोंन् तइ। खैले तमुँ छले खाब् आङिं खाबइ प्रभुए फिर बिश्‍वास लरिगे बिसि म्हिमैं खै तल ङै या छान् तल।