लूका 16:21 - परमेश्‍वरए ताँ तमु क्युइर

²¹ ‘प्‍ल्हो‍बै म्‍हिइ चब् चमा सर तेयाबै क्हें ठाँडा-ठुँडे चल् योंम् उ?’ ङ्हाँसि लाजरस ङाँइ ङ्‌ह्‍योरिमल। दिलेया चल् आयोंमल, च मत्‍त्रे आङिं, नगिमैं खसि चए पोरमैं ल्‍हेंमल।

लूका 16:21 ပူးပေါင်းရင်းမြစ်များ

मत्ती 15:27

च च्हमिरि बिइ, “अँ प्रभु, चु ताँ क्ह्रोसेंन् ग। दिलेया नगिमैंज्यै या ह्रोंसए क्‍ल्‍हेइ चमा तेयाबै फाँ फुँमैं चम्।”

मर्कूस 7:28

झाइले च च्हमिरिइ येशूने बिइ, “ओ प्रभु, धिंर्बै नगिमैं या कोलोमैंइ वाथेंबै चबै सैमैं चल् योंम्।”

लूका 16:20

दिलेया लाजरस बिबै ङ्हाँदु म्हि घ्रि मुँल। च‍ए ज्यु तिगोंन् पोर मुँल। चलाइ अरू म्हिमैंइ प्लबै म्‍हिए तगारर्न पखसि थेंमिंमल।

लूका 16:22

“तिगें लाजरस सियाइ। धै स्‍वर्गदूतमैं युसि च स्‍वर्गर अब्राहामए क्वेंदर बोइ थेंइ। झाइले च प्‍ल्हो‍बै म्हि या सियासि म्हिमैंइ पावाइ।

यूहन्‍ना 6:12

चमैं म्रेंल् खाँबै लिउँइँ येशूजी चेलामैंने बिइ, “चसि ङैंबै क्हें लुँठेमैं खेरो आह्‍यानले खागु लद्।”

१ कोरिन्थी 4:11

तिंयाँ समा ङिइ धोंब-टिंब सैदिसिन् मुँ, ङि फो ख्रेंइमुँ, क्यु पिइमुँ, क्‍लुनान् मुँ, ङिल धिं नाँ या आरे,

२ कोरिन्थी 11:27

झाइले गारो केमैं लल् त्‍हुइ, ल्हें खे न्‍हरु च्‍हुइल् आयों, फो ख्रेंन्ले क्यु पिल्‍ले टिल् त्‍हुइ, ल्हें खे चल् आयोंल्‍ले, बास आयोंल्‍ले, क्वें खिल् आयोंल्‍ले टिल् त्‍हुइ।