लूका 16:17 - परमेश्‍वरए ताँ तमु क्युइर

¹⁷ दिलेया मु नेरो पृथ्‍बी म्‍हयाल् खाँमुँ, परमेश्‍वरए छ्वेर प्ह्रिबै ताँ घ्रि या आम्ह।

लूका 16:17 ပူးပေါင်းရင်းမြစ်များ

मत्ती 5:18

तलेबिस्याँ क्ह्रोंसेंन ङ क्हेमैंने बिमुँ, स्वर्ग नेरो पृथ्‍बी नास आतन् समा ठिमर प्ह्रिबै च्‍योंब भन्दा च्‍योंबै ताँ या पूरा आतन्ले म्‍हरिब् आरे।

लूका 21:33

मु नेरो पृथ्‍बी नास तयाब्‍मुँ, दिलेया ङइ बिबै ताँ म्‍हरिब आरे।

रोमी 3:31

येशू ख्रीष्‍टए फिर बिश्‍वास लसिन् मत्‍त्रे परमेश्‍वरए उँइँर ठिक ठर्दिम् बिस्याँ खीए ठिम केर आफेब तइ वा? कत्ति आत! बरु ङ्योइ खीए ठिम छेनाले म्हाँदिम्।

१ पत्रुस 1:25

दिलेया परमेश्‍वरए बचन खोंयोंन् बिलै तरिम्।” क्‍हेमैंने बिमिंबै सैं तोंबै ताँ चुन् ग।

२ पत्रुस 3:10

दिलेया खाबज्यै आसेल्‍ले ह्‍यो खब् धोंले प्रभु खैलसे युब्‍मुँ। च त्हिंइर मु थेबै कैले म्हयाब्मुँ, मुर्बै ताँन् सैमैं मिइ ख्रोंसि नास तयाब्मुँ, धै चु ह्‍युल नेरो ह्‍युलर्बै सैमैं ताँन् म्हयाब्‍मुँ।

दर्शन 20:11

झाइले फोस्रे ब्योंबै थेबै राजगद्दि नेरो चर क्हुँबै परमेश्‍वर ङइ म्रोंइ। खीउँइँले पृथ्‍बी नेरो मु भौदियाइ, चमैंइ खनिरै क्ल्ह्‍यो आयों।

दर्शन 21:1

झाइले ङइ छारा पृथ्‍बी नेरो छारा मु म्रोंइ। ओंसोंबै मु नेरो पृथ्‍बी म्हयाल, मा ङ्युँइ या म्हयाल।

दर्शन 21:4

खीजी चमैंए मिग्लि योगुर्ले फ्‍योमिंब्‍मुँ। च त्हेसेरो खाबै आसि, शोक आत, क्रोब-म्‍होब नेरो दुःख कष्‍ट खोंयोंइ या आत। ओंसोंबै ताँन् सैमैं म्हयाल् खाँइमुँ।”