लूका 16:13 - परमेश्‍वरए ताँ तमु क्युइर

¹³ येशूजी धबै बिइ, “खाबज्यै या क्‍ल्‍हे ङ्हिंए के तिखेर्न लल् आखाँ। तलेबिस्याँ चइ घ्रिलाइ हेल लमुँ, झाइले अर्कोने म्‍हाँया लमुँ। छलेन क्‍ल्‍हे घ्रिइ बिब छेनाले ङिमुँ, अर्को क्ल्हेलाइ तो धोंइ आङ्हाँ। च धोंलेन् क्‍हेमैंज्यै या परमेश्‍वर नेरो मुइए सेवा तिखेर्न लल् आखाँ।”

लूका 16:13 ပူးပေါင်းရင်းမြစ်များ

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

मत्ती 6:24

“खाबज्यै या क्ल्हे ङ्हिंए सेवा लल् आखाँ। तलेबिस्याँ सेवा लबै म्हिइ क्ल्हे घ्रिलाइ हेल लब्मुँ, क्ल्हे घ्रिलाइ मान लब्मुँ, अथवा घ्रिलाइ छेन्‍ले म्हाँदिमुँ, अर्कोलाइ आम्हाँदि। छलेन क्‍हेमैंज्‍यै या परमेश्‍वर नेरो मुइ ङ्हिंना ङ्हिंनाए सेवा लल् आखाँ।

लूका 11:23

छतसि ङए ख आलबै म्हि ङए बिरोधी ग। धै ङने बालु आखुबै म्हइ खन्तोंदोंन् फ्रुँवाम्।

लूका 14:26

“ङए लिलि खब्मैंइ ह्रोंसए आबा, आमा, प्ह्रेंस्यो, प्‍हसेमैं, अलि-अङाँमैं नेरो ह्रोंसए ज्यु या तो धोंइ आङ्हाँ बिस्याँ च ङए चेला तल् आखाँ।

लूका 16:12

क्हेमैं अरूए सै न्होरर भर लल् खाँब आतइ बिस्‍याँ, क्‍हेमैंइन योंल् त्हुबै सै न्होर खाबइ पिंमुँ? खाबज्यै आपिं।”

लूका 16:9

“ङ क्हेमैंने बिमुँ, ह्रोंसए ल्हागिर ह्‍युलर्बै स न्होरउँइँले क्ह्रिबै थुमैं बनेद्। छ लस्‍याँ क्‍हेमैंए मुइ खाँयाबै त्‍हेर चमैंइ क्‍हेमैं स्‍वर्गर स्वागत लब्मुँ।”

लूका 9:50

छबिमा येशूजी चने बिइ, “चने तोइ आबिद्, मों ल्‍हाल् पिंन्, तलेबिस्या क्हिए बिरोध आलब्मैं क्‍हिए ख लब्मैं तम्।”

याकूब 4:4

ओ ब्यभिचारिमैं, चु ह्‍युलर्बै आछ्याँबै सैए फिर क्हेमैंए सैं ह्‍यास्याँ क्‍हेमैं परमेश्‍वरए ताँ आङिंब्मैं तम् बिब क्हेमैंइ आसे वा? परमेश्‍वर आम्हाँदिब्‍मैंने प्रबै म्हिइ ह्रोंसलाइन परमेश्‍वरए शत्तुर लवाम्।