लूका 15:29 - परमेश्‍वरए ताँ तमु क्युइर

²⁹ दिलेया चइ आबाने बिइ, ‘च्‍हौ ल्‍हें बर्ष समा ङइ क्‍हिए केब्छैंइ धोंले के लइ। क्‍हिइ ल्‍हैदिबै के तो मुँलेना ङइ आल! आबिमल। दिलेया ङइ तो योंइ? सैं तोंल्‍ले थुमैंने स्‍योगैं चरिगे बिसि क्हिइ र-झज घ्रि या ङ आपिं।

लूका 15:29 ပူးပေါင်းရင်းမြစ်များ

मत्ती 20:12

‘चु लिउँइँ खबै म्‍हिमैंइ घण्‍टा घ्रि मत्‍त्रे के लइ, ङिइमि त्‍हिंइतिमि त्‍हिंयाँर सिया सियाले के लइ। दिलेया क्‍हिइ चमैंलाज्यै या ङिलाइ पिंब् धों प्रेन् नों सै पिंइ,’ बिसि चमैंइ बिबर होंइ।

लूका 15:28

“चु ताँ थेसि च्‍ह थेब बेल्‍ले ह्रिस खसि धिं न्‍होंर ह्‍याल् आङिं। छतमा आबा बैरु त्‍होंसि च वाँबर होंइ।

लूका 15:30

क्‍हिए सै न्होर बोसि ताँन् नुवाबै च्ह एखमा चए ल्हागिर क्‍हिइ छोबै क्‍यु साँडे सैसि च्‍हौ थेबै भत्‍यार लमिंब आ।’

लूका 15:7

“ङ क्हेमैंने बिमुँ, ‘ङइ पाप के लइमुँ ङलाइ क्षमा पिंन्,’ बिल् आत्हुबै कुच्युसे कु धर्मि म्‍हिमैं भन्दा ‘ङ पापि मुँ, ङइ पाप केमैं लइमुँ, ङलाइ क्षमा पिंन्,’ बिसि सैं एबै म्‍हि घ्रि म्रोंसि परमेश्‍वर स्‍वर्गर बेल्‍ले सैं तोंम्।”

लूका 17:10

छलेन क्‍हेमैंज्यै या ह्रोंसने ल्‍हैदिबै ताँन् केमैं लल् खाँसि ‘ङि केर आफेबै केब्छैं ग, ङिइ ललन् त्हुबै के मत्‍त्रे लइमुँ।’ बिद्।”

लूका 18:9

ङ ठिक के लबै म्हि ग बिब् प्हैंसि अरूमैंलाइ तो धोंइ आङ्हाँबै को-कोइ म्हिमैंलाइ येशूजी चु अहान् बिइ,

लूका 19:21

क्‍हि म्रोंसि ङ ङ्हिंइ, तलेबिस्याँ क्हि सारो सैं मुँबै म्हि मुँ। क्हिइ थेंइ आथेंबै सै किंल् म्हैम्, धै प्लुइ आप्‍लुबै सैन् खैंम्।’

रोमी 10:3

परमेश्‍वरजी म्हिलाइ खैले ठिक ठर्दिमुँ बिब चमैंइ वास्ता आल, बरु चमैंइ ह्रोंसइ लबै धर्म-कर्मइ परमेश्‍वरए उँइँरि ठिक ठर्दिल् म्‍हैइ। छतमा चमैं परमेश्‍वरए उँइँर ठिक ठर्दिबै घ्याँर प्रल् आङिं।

रोमी 3:20

छतसि ठिमर्बै ताँमैं छेनाले म्हाँदिलै या परमेश्‍वरए उँइँरि ठिक ठर्दिल् आखाँ। तलेबिस्याँ ठिमर्बै ताँउँइँलेन् म्‍हिमैंइ पाप तो जा बिसि सेम्।

रोमी 3:27

छतसि ङ्योइ तले प्हैंल् त्हुइ? प्‍हैंबै ताँ तोइ आरे। ङ्योइ ठिमइ बिब् ङिंसि परमेश्‍वरए उँइँर ठिक ठर्दिस्‍याँ प्‍हैंबै घ्याँ या तमल, दिलेया येशू ख्रीष्‍टए फिर बिश्‍वास लसि मत्‍त्रे ठिक ठर्दिबइले प्‍हैंबै ताँ तोइ आरे।

रोमी 7:9

ठिमइ बिबै ताँ आसेमा ङ सोगों मुँल, दिलेया ङइ ठमर्बै ताँ था सेबइले आछ्याँबै इच्छा भोंब तइ, ङ बिस्याँ सिल् त्हुइ।

दर्शन 2:17

“पबित्र प्ल्हजी बिश्‍वासीमैंने बिबै ताँ न्ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ लोथेंबै मन्‍न ङइ चल् पिंब्‍मुँ। चलाइ ङइ तार्ग्या युँमा पिंब्‍मुँ। च युँमार चए छारा मिं प्ह्रिइमुँ। च मिं योंबै म्‍हिइ मत्‍त्रे च छारा मिं था सेम्।”

दर्शन 3:17

क्हेमैंइ ‘ङ प्लब मुँ, ङलाइ तोए सैरै या खाँचो आरे,’ बिम्। दिलेया ह्रोंस् ङ्‍हो आसब, ङ्हाँदु, मि आम्रोंब, क्‍लुना मुँ बिब क्‍हेमैंइ था आसे।