लूका 15:19 - परमेश्‍वरए ताँ तमु क्युइर

¹⁹ तारे ङ क्‍हिए च्‍ह बिबै लायकर्बै आरे। बरु ङ क्‍हिए के लबै म्‍हि घ्रि धोंलेन् क्‍हि ङाँर टिल् पिंन्,” बिब्मुँ’ बिसि चए सैंर मैंइ।

लूका 15:19 ပူးပေါင်းရင်းမြစ်များ

उत्पत्ति 32:10

क्हिजी ह्रोंसए केब्छैंए फिर कति ल्हें म्हाँया लसि उँइँमिंइमुँ दिलेया च म्हाँया योंबै लायकर्बै ङ आरे। तलेबिस्याँ ङ प्हरे घ्रि मत्‍त्रे छेसि यर्दन स्यों तर्दिसि ह्‍याल। तोगो ङल बगाल ङ्हिं तइमुँ।

भजनमैं 84:10

अरू क्‍ल्‍ह्‍योजरे हजार त्हिंइमैं थोब् भन्दा क्हिए ह्‍युमैंर तिगें टिब छ्याँब तम्। दुष्‍टमैंए तम्बुमैंर टिब् भन्दा बरु ङए परमेश्‍वरए धिंर रुँबै म्हि तब ङलाइ खोम्।

लूका 15:18

तारे ङ आबा ङाँर ह्‍यासि आबाने छ बिम्, “ओ आबा, ङइ क्हिए ताँ आङिंसि परमेश्‍वर नेरो क्‍हिए बिरोधर आछ्याँबै के लइ।

लूका 15:20

“झाइले च रेसि आबा ङाँर ह्‍यारिमा च धिंउँइँले ह्रेंगोर खरिब चए आबाइ म्रोंइ। छले ह्रोंसए च्ह एखरिब् म्रोंसि आबा बेल्‍ले सैं तोंइ। धै च्‍ह ङाँर न्हेह्‍यासि अँउँलो खोएसि म्वें लइ।

लूका 5:8

छतब् म्रोंसि सिमोन पत्रुसइ येशू प्रभुए उँइँर पत्खु तसि बिइ, “ओ प्रभु क्‍हि ङ ङाँइँले ह्रेंगो तयाद्, तलेबिस्याँ ङ पापि म्‍हि ग।”

१ कोरिन्थी 15:9

तलेबिस्याँ कुल्मिंबै चेला चिब्मैं न्‍होंरि ङ धाँसे केर आफेब् ग। ङ कुल्मिंबै चेला चिब बिबै लायकर्बै आरे, तलेबिस्याँ ङइ ओंसों परमेश्‍वरए म्‍हिमैंलाइ बेल्‍ले दुःख पिंल।

१ पत्रुस 5:6

छतसि ह्रोंसन् च्‍योंने तसि थेबै शक्‍ति मुँबै परमेश्‍वरए यो न्होंर टिद्, धै खीजी ठिक त्हेर क्‍हेमैंलाइ थेब् लमिंब्‍मुँ।