लूका 15:10 - परमेश्‍वरए ताँ तमु क्युइर

¹⁰ ङ कहेमैंने बिमुँ, च धोंलेन् दुष्‍ट के पिसि खी ङाँइ सैं एसि छ्याँबै घ्‍याँर प्रबै म्‍हि घ्रि म्रोंसि परमेश्‍वरए स्‍वर्गदूतमैं बेल्‍ले सैं तोंम्।”

लूका 15:10 ပူးပေါင်းရင်းမြစ်များ

मत्ती 10:32

“छतसि खाबइ म्‍हिमैंए उँइँर ‘ङ येशूए म्‍हि ग’ बिमुँ, ङज्यै या ङए स्वर्गर मुँबै परमेश्‍वर आबाए उँइँर ‘चु म्‍हि ङलन् ग’ बिब्‍मुँ।

मत्ती 18:10

“छतसि ङ क्हेमैंने बिमुँ, छेनाले मैंन्! क्हेमैंइ छाबै कोलोमैं धों तब्‍मैं खाबलाज्यै या हेल आलद्। तलेबिस्याँ चमैं जोगेमिंबर स्‍वर्गदूतमैं स्‍वर्गरि खोंयोंन् बिलै ङए आबाए उँइँर्न तम्।

मत्ती 18:14

छलेन स्‍वर्गर मुँबै क्हेमैंए परमेश्‍वर आबालाज्यै या छाबै ङए फिर बिश्‍वास लबै कोलोमैं न्होंर घ्रि या नास आतरिगे बिबै सैं मुँ।

लूका 12:8

“छतसि ङइ क्‍हेमैंने बिमुँ, खाबइ म्‍हिमैंए उँइँर ‘येशू ङए प्रभु ग’ बिमुँ, च म्हिलाज्यै या परमेश्‍वरउँइँले कुल्‍मिंबै म्हिए च्हजी परमेश्‍वरए स्‍वर्गदूतमैं उँइँर ‘चुम् ङए म्‍हि ग’ बिब्‍मुँ।

लूका 12:9

दिलेया खाबइ म्‍हिमैंए उँइँर ‘ङइ येशू ङो आसे,’ बिमुँ, ङज्यै या परमेश्‍वरए स्‍वर्गदूतमैंए उँइँर ‘चु ङइ ङो आसे,’ बिब्‍मुँ।

लूका 13:5

ङ क्‍हेमैंने बिमुँ, छले आङिं, ताँन् म्‍हिमैं पापि मुँ। क्‍हेमैंइ दुष्‍ट के लब् आपिइ बिस्‍याँ क्‍हेमैं ताँन् छलेन् नास तब्‍मुँ।”

लूका 15:11

येशूजी धबै बिइ: “म्‍हि घ्रिल च्‍ह ङ्हिं मुँल।

लूका 15:7

“ङ क्हेमैंने बिमुँ, ‘ङइ पाप के लइमुँ ङलाइ क्षमा पिंन्,’ बिल् आत्हुबै कुच्युसे कु धर्मि म्‍हिमैं भन्दा ‘ङ पापि मुँ, ङइ पाप केमैं लइमुँ, ङलाइ क्षमा पिंन्,’ बिसि सैं एबै म्‍हि घ्रि म्रोंसि परमेश्‍वर स्‍वर्गर बेल्‍ले सैं तोंम्।”

लूका 15:9

च मुइ योंबै लिउँइँ ह्रोंसए थुमैं नेरो ङ्‌हेब्-ट्हुब्‍मैं हुइसि ‘ङ बेल्‍ले सैं तोंइमुँ, क्‍हेमैं या सैं तोंन्। तलेबिस्याँ ङए म्‍हयाबै मुइ योंइ,’ बिसि चइ बिब्मुँ।

लूका 7:47

छतसि ङ क्‍हिने बिमुँ, चुइ ङलाइ च्‍हौ ल्‍हें म्‍हाँया लइमुँ। छतसि चुए पाप ल्हें मुँलेया क्षमा तइमुँ, दिलेया च्‍युगुदे पाप माफ योंबै म्हिइ ङलाइ च्युगुदेन् म्हाँया लमुँ।”

चेला चिब्मैंए केमैं 11:18

चु ताँ थेसि यरूशलेमर्बै बिश्‍वासीमैंइ पत्रुसलाइ छ्याब् ल्‍हैदिब् पिवाइ, धै “तारे अरू ह्रेंर्बै म्हिमैंज्यै या मुक्‍ति योंरिगे बिसि परमेश्‍वरजी चमैंलाइ सैं एबै मौका पिंना!” बिसि चमैंइ ताँ क्होइ। झाइले चमैंइ परमेश्‍वरए मिं क्वेइ।

चेला चिब्मैंए केमैं 5:19

दिलेया म्‍हुँइँसर प्रभुए स्वर्गदूत घ्रिइ झेलए म्रामैं थोंमिंइ, धै खीजी चमैंलाइ बैरु तेवासि बिइ,

२ कोरिन्थी 7:10

तलेबिस्याँ परमेश्‍वरउँइँले खबै न्हुँइ लमा क्हेमैंइ आछ्याँबै के लब् पिसि खोंयोंइ आखाँबै छ्ह योंम्। खीए छ्याँबै घ्‍याँर प्रमा ङ्यो खोंयोंइ पछुत् खल् आत्‍हु। दिलेया ह्‍युलउँइँले खबै न्हुँइ बिस्याँ ङ्यो नास लवाम्।

फिलेमोन 1:15

च खोंयोंन् बिलै क्हिनेन् टिरिगे बिसि च दे त्हे क्हिउँइँले फ्रेयालै।

हिब्रू 1:14

स्‍वर्गदूतमैं बिब, परमेश्‍वरए सेवा लबै प्ल्हमैं ग। धै परमेश्‍वरजी येशूए फिर बिश्‍वास लसि मुक्‍ति योंब्मैं ल्होबै ल्हागिरै या चमै कुल्‍मिंम्।