लूका 14:7 - परमेश्‍वरए ताँ तमु क्युइर

⁷ च फरिसीए धिंर खबै प्‍ह्रेंमैंइ चिब्मैं क्हुँबै छ्याँ-छ्याँबै क्‍ल्‍ह्‍यो त्‍हाँरिब् म्रोंसि येशूजी चु अहान् बिइ,

लूका 14:7 ပူးပေါင်းရင်းမြစ်များ

हितोपदेश 25:7

तलेबिस्याँ थेबै म्हिमैंए ओंसों क्हि टिबै क्ल्ह्‍योउँइँले क्हि क्युरु खारवाब् भन्दा “क्हि चु क्होइ खसि टिद्,” बिब क्हिए ल्हागिर इजेत तम्। क्हिए मिइ म्रोंबै ताँमैं बिबर

हितोपदेश 8:1

बुद्धिइ थेबै कैले हुइरिमुँ! च्हैंब्-मैंब् लल् खाँबै शक्तिइ थेबै कै तेइमुँ!

मत्ती 13:34

येशूजी म्‍हिमैंने चु ताँन् ताँमैं अहानउँइँले बिमिंइ। खीजी तोन्दोंरि ताँ अहानउँइँले मत्‍त्रे लोमिंमल।

मत्ती 23:6

भत्यारजरे ह्‍यामा चमैंइ धाँसे मान योंबै क्‍ल्‍ह्‍यो म्‍हैमुँ। धै चिब प्हैंसि च्हों धिंर ओंसोंबै क्‍ल्‍ह्‍योजरे टिदा ङ्हाँम्।

लूका 11:43

“धिक्‍कार मुँ फरिसीमैं क्‍हेमैं सैं क्रोल् त्‍हुम्! क्‍हेमैं च्हों धिंजगोर ह्‍यामा मान योंल् त्हुबै क्‍ल्‍ह्‍योर क्हुँल् म्‍हैमुँ! धै बजारजरे ह्‍यामै या म्‍हिमैंइ मान लसि म्हाँदिरिगे ङ्हाँम्।

लूका 20:46

ह्रिंबै क्वे खिसि “शास्‍त्रिमैं प्हैंसि छाइ-छुइ बजारजरे प्रमा म्हिमैंइ म्हाँदिरिगे ङ्हाँब, च्हों धिंजरे ह्‍यामा म्हिमैंइ थेब लरिगे ङ्हाँब छलेन भत्‍यारजरे ह्‍यामा मान तबै क्‍ल्‍ह्‍योर क्हुँल् म्‍हैबै शास्त्रिमैंने जोगेसि टिद्।

फिलिप्पी 2:3

ह्रोंसए फायदाए ल्हागिर मत्‍त्रे तोइ आलद्। तोन् तोर्न थेब प्हैंदै तोइ आलद्, बरु ह्रोंसन् च्‍योंने तसि घ्रिइ घ्रिलाइ ह्रोंस भन्दा थेब् मैंन्।

३ यूहन्‍ना 1:9

ङइ बिश्‍वासीमैंए ल्हागिर च्‍यु रिन्ठि प्ह्रिछ्या प्‍ह्रिल, दिलेया क्हेमैंए म्हाँजोर थेब् तल् म्‍हैबै डियोत्रिफसइ ङइ बिबै ताँ आङिं।