लूका 14:27 - परमेश्‍वरए ताँ तमु क्युइर

²⁷ खाबइ ह्रोंसए क्रूस नोसि ङए लिलि आप्र च ङए चेला तल् आखाँ।

लूका 14:27 ပူးပေါင်းရင်းမြစ်များ

मत्ती 10:38

खाबइ ह्रोंसए क्रूस नोसि ङए लिलि आल्‍हैदि च ङए म्‍हि तल् आखाँ।

मत्ती 13:21

चए जरा छेनाले सर च्योंल् आयोंबइले ल्‍हें त्हे समा सोल् आखाँ। तलेबिस्याँ परमेश्‍वरजी बिब् धोंले प्ररिमा तोइ दुःख तबै तोदोंन् च लिउँइँ स्योह्‍याम्।

मर्कूस 10:21

येशूजी म्हाँयाले च ङाँइ ङ्‌ह्‍योसि बिइ, “क्‍हिइ अझै के घ्रि लब चैमुँ: छतसि ह्‍यासि क्‍हिए क्‍ल्‍ह्‍यो न्‍हें ताँन् चुँसि योंबै मुइ ङ्हाँदुमैं पिंन्, छलस्याँ क्‍हिइ स्‍वर्गर सै न्होर ल्हें योंब्‍मुँ। धै खसि ङए लिलि प्रद्,” बिइ।

मर्कूस 15:21

खेंमैं घ्याँर ह्‍यारिमा कुरेनीथें सिमोन बिबै म्‍हि नाँसउँले बजार ह्‍याब् बिसि खरिब् त्होइ। च म्हि अलेक्जेन्डर नेरो रूफसए आबा मुँल। सिपाइमैंइ च म्हिने येशूए क्रूस कर ल्हैदिसि नोबर ल्‍हैदिइ।

लूका 14:28

“क्‍हेमैं न्‍होंरि खाबज्‍यै या धिं बनेदा ङ्हाँस्‍याँ ‘धिं लबै ल्हागिर खर्ज कति ल्‍हैदिम्? ङने मुँबै मुइइ योम् उ आयो?’ बिसि ओंसोंन् चइ बिचार आल रो वा?

यूहन्‍ना 19:17

येशूजी ह्रोंसए क्रूस ह्रोंसइन नोसि क्र खोप्‍लें बिबै क्ल्ह्‍योर ह्‍याइ। (हिब्रू क्युइर च क्ल्ह्‍योए मिं गलगथा बिमुँ।)

चेला चिब्मैंए केमैं 14:22

चमैंइ च क्ल्ह्‍योर्बै चेलामैंए सैं भोंब् लमिंदै “खोंयोंन् बिलै परमेश्‍वरए ताँर बिश्‍वास लसि टिरिद्,” बिसि अर्थि पिंइ, धै “परमेश्‍वरए ग्याल्सर होंबै ल्हागिर ङ्योइ ल्हें दुःख सैदिल् त्हुम्,” बिबै ताँ या लोमिंइ।

२ तिमोथी 1:12

छतसि तोगो ङइ चु दुःखमैं नोरिइमुँ, दिलेया ङ फापिसि सैं च्योंब् आल। तलेबिस्याँ ङइ खाबै फिर बिश्‍वास लइमुँ बिब ङइ सेइमुँ, ङलाइ ढुक्‍का मुँ तो सैमैं ङइ खीने थेंल् पिंइमुँ, च सैमैं खीजी छेनाले थेंमिंम्।

२ तिमोथी 3:12

ख्रीष्‍ट येशए फिर बिश्‍वास लसि छ्ह थोदा ङ्हाँब्मैं ताँनए फिर दुःख तब्मुँ।