लूका 14:24 - परमेश्‍वरए ताँ तमु क्युइर

²⁴ छेनाले थेद्! ओंसोंबै न्हिम्तो योंब्‍मैं न्‍होंरि खाबज्‍यै या ङए भत्‍यारर्बै चबै सैमैं कति लिंब मुँगे बिसि म्‍ह्‍योंल् योंरिब् आरे।’”

लूका 14:24 ပူးပေါင်းရင်းမြစ်များ

मत्ती 21:43

छतसि ङ क्‍हेमैंने बिमुँ, परमेश्‍वरए ग्याल्सर टिबै हग तारे परमेश्‍वरजी क्‍हेमैंउँइँले प्‍हेंसि रोमैं रोल् खाँबै अरू ह्रेंलाइ पिंब्‍मुँ।”

मत्ती 22:8

“च लिउँइँ म्रुँइ ह्रोंसए के लबै म्‍हिमैंने बिइ, ‘ब्ह्‍याए भत्‍यार तयार मुँ, दिलेया ङइ न्हिम्‍तो लबै म्‍हिमैं बिस्‍याँ भत्‍यार चबै लायकर्बै आरेना।

लूका 14:23

“धबै धिं क्‍ल्‍हेइ के लबै म्हिने बिइ, ‘ङए धिं प्‍लिंबै ल्हागिर सहरर्बै घ्याँए रेजरे खन्तोंदोंन् ह्‍यासि चर्बै ताँन् म्हिमैं कर ल्‍हैदिसि पखो।

लूका 14:25

म्‍हि हुल येशूने बालु ह्‍यारिमा खीजी लिंउँइँ तोसि चमैंने बिइ,

यूहन्‍ना 3:19

ताँ चुन् ग: चारबै ह्‍वे ह्‍युलर युइमुँ, दिलेया म्हिमैंए के दुष्‍ट मुँबइले चमैंइ चारबै ह्‍वे भन्दा मिछु खैबन् खोइ।

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

यूहन्‍ना 8:21

येशूजी धबै चमैंने बिइ, “ङ छुइले ह्‍याब्मुँ, झाइले क्‍हेमैंइ ङ म्‍हैब्‍मुँ, दिलेया क्‍हेमैं ह्रोंसए पापर्न सियाब्मुँ। तलेबिस्याँ ङ ह्‍याबै क्ल्ह्‍योर क्‍हेमैं खल् आखाँ।”

यूहन्‍ना 8:24

ङइ क्हेमैंने बिइ, क्‍हेमैं ह्रोंसए पापर्न सिब्मुँ, तलेबिस्याँ ‘ङ जोगेमिंबै म्रुँ ख्रीष्‍ट ग’ बिसि क्हेमैंइ आक्वेंस्याँ क्हेमैं ह्रोंसए पापर्न सिब्मुँ।”

चेला चिब्मैंए केमैं 13:46

छान् तलेया पावल नेरो बारनाबासइ आङ्हिंन्ले बिइ, “परमेश्‍वरए ताँ धाँसे ओंसों क्हेमैं यहूदीमैंनेन् बिल् त्हुमल। दिलेया क्हेमैंइ चु ताँ थेल् आङिंसि खोंयोंन् बिलै आखाँबै छ्ह योंदा आङ्हाँमा तारे ङि अरू ह्रेंमैं ङाँर ह्‍याम्।