लूका 14:22 - परमेश्‍वरए ताँ तमु क्युइर

²² “के लबै म्हि एखसि बिइ, ‘ओ चिब, क्‍हिइ हुइ पउ बिबै म्‍हिमैं ङइ हुइ पखइ। दिलेया भत्‍यारर टिबै क्‍ल्‍ह्‍यो अझै मुँ।’

लूका 14:22 ပူးပေါင်းရင်းမြစ်များ

भजनमैं 103:6

आगुइ क्र ओलै आपिंब्मैं ताँनए ल्हागिरि याहवेहजी ठिक के नेरो निसाफ लमिंम्।

भजनमैं 130:7

ओ इस्राएल, याहवेहए फिर आशा थेंन्! तलेबिस्याँ याहवेजी खोंयोंन् बिलै म्याँया लरिम्, धै तोंन्दोरि आछ्याँबै सैउँइँले खीजीन् जोगेमिंम्।

लूका 14:21

“झाइले के लबै म्हि एखसि ताँन् ताँ ह्रोंसए क्‍ल्‍हेने बिइ, छतमा धिं क्‍ल्‍हे ह्रिस खसि के लबै म्हिने बिइ, ‘तारे युन्ले सहरर ह्‍याद् धै सहरर्बै घ्‍याँए रेजरेबै ङ्हाँदुमैं, डुँडामैं, खोडमैं नेरो कन‍मैं हुइसि पउ,’ बिमा के लबै म्हि धबै हुइबर ह्‍याइ।

लूका 14:23

“धबै धिं क्‍ल्‍हेइ के लबै म्हिने बिइ, ‘ङए धिं प्‍लिंबै ल्हागिर सहरर्बै घ्याँए रेजरे खन्तोंदोंन् ह्‍यासि चर्बै ताँन् म्हिमैं कर ल्‍हैदिसि पखो।

यूहन्‍ना 14:2

ङए आबाए धिंर टिबै क्‍ल्‍ह्‍योमैं ल्हें मुँ। ङ क्हेमैंए ल्हागिर टिबै क्ल्ह्‍यो तयार लबर ह्‍यासिन् मुँ। छ आङिस्याँ ङइ क्हेमैंने चु ताँ आबिमल।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

कलस्सी 2:9

छतसि छाबै स्‍योर ताँ आक्‍वेंन्, तलेबिस्याँ परमेश्‍वरने मुँबै ताँन् गुनमैं येशू ख्रीष्‍टने मुँ।

१ यूहन्‍ना 2:2

ङ्योइ लबै पाप क्षमा लमिंबै ल्हागिर खीजी घ्‍याँ थोमिंइमुँ, ङ्योए पाप मत्‍त्रे आङिं, दिलेया ह्‍युलर्बै ताँन् म्‍हिमैंए पाप क्षमा लमिंम्।