लूका 14:21 - परमेश्‍वरए ताँ तमु क्युइर

²¹ “झाइले के लबै म्हि एखसि ताँन् ताँ ह्रोंसए क्‍ल्‍हेने बिइ, छतमा धिं क्‍ल्‍हे ह्रिस खसि के लबै म्हिने बिइ, ‘तारे युन्ले सहरर ह्‍याद् धै सहरर्बै घ्‍याँए रेजरेबै ङ्हाँदुमैं, डुँडामैं, खोडमैं नेरो कन‍मैं हुइसि पउ,’ बिमा के लबै म्हि धबै हुइबर ह्‍याइ।

लूका 14:21 ပူးပေါင်းရင်းမြစ်များ

भजनमैं 2:12

च्हलाइ मान लसि फ्योद्, छ आलस्याँ खी ह्रिस खब्मुँ, धै क्हेमैं घ्याँर्न सिब्मुँ, तलेबिस्याँ खी युनन् ह्रिस खम्। खीए प्हलेर ग्वार ह्रिबर ह्‍याब्मैंइ आशिक योंब्मुँ।

भजनमैं 38:7

ङए क्रे बेल्‍ले ख्रोंइमुँ, ङए ज्यु ताँन् नइमुँ।

मत्ती 11:28

“ओ ताँन् ल्हिबै ते नोसि नारब्मैं, ङ ङाँर खो, ङइ क्‍हेमैंलाइ भों न्‍हल् पिंब्मुँ।

मत्ती 11:5

कनमैंइ मि म्रोंइमुँ, डुँड्मैं प्रइमुँ, कोर खब्‍मैं सइमुँ, न्ह आथेब्मैंइ न्‍ह थेइमुँ, सियाब्‍मैं सोइमुँ धै ङ्हाँदुमैंने परमेश्‍वरउँइँले खबै सैं तोंबै ताँ बिमिंइमुँ।

मत्ती 15:12

च लिउँइँ चेलामैं खसि खीने बिइ, “क्‍हिजी बिबै ताँ थेसि फरिसीमैं बेल्‍ले ह्रिस खइमुँ बिब क्‍हिजी सेइमुँ वा?”

मत्ती 18:31

“छ लब् म्रोंसि अरू के लब्मैंए सैं बेल्‍ले नइ। चमैं म्रुँ ङाँर ह्‍यासि ताँन् ताँ बिवाइ।

मत्ती 20:7

“चमैंइ बिइ, ‘खोइ, खाबज्यै या केर आल्‍हैदि। तो लब?’ “चइ चमैंने बिइ, ‘छ बिस्‍याँ क्‍हेमैं या ङए म्रोंर के लबर ह्‍याद्।’

लूका 14:13

बरु भत्‍यार लमा ङ्हाँदुमैं, डुँडामैं, खोडमैं नेरो कन‍मैं हुइद्।

लूका 14:20

छलेन अर्कोज्यै या ‘ङल भर्खर ब्ह्‍या लइमुँ, छतसि ङ खल् आयों,’ बिइ।

लूका 14:22

“के लबै म्हि एखसि बिइ, ‘ओ चिब, क्‍हिइ हुइ पउ बिबै म्‍हिमैं ङइ हुइ पखइ। दिलेया भत्‍यारर टिबै क्‍ल्‍ह्‍यो अझै मुँ।’

लूका 14:24

छेनाले थेद्! ओंसोंबै न्हिम्तो योंब्‍मैं न्‍होंरि खाबज्‍यै या ङए भत्‍यारर्बै चबै सैमैं कति लिंब मुँगे बिसि म्‍ह्‍योंल् योंरिब् आरे।’”

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

लूका 9:10

कुल्मिंबै चेला चिब्मैं एखसि खेंमैंइ लबै केमैं ताँन् यशूने बिइ। झाइले येशूजी चमैं बोसि बेथसेदा बिबै नाँसर म्‍हिमैंइ आसेल्‍ले ह्‍याइ।

यूहन्‍ना 9:39

झाइले येशूजी बिइ, “आम्रोंब्मैंइ म्रोंरिगे धै म्रोंब्मैंइ म्रोंल् आखाँरिगे बिसि ङ निसाफ लबर ह्‍युलर युइ।”

हिब्रू 13:17

क्‍हेमैंए अगुवामैंइ बिब ङिंन्, धै खेंमैंए न्होंर टिद्। तलेबिस्याँ “ङइ लबै केए हिसाब परमेश्‍वरलाइ पिंल् त्‍हुम्” बिब सेसि चमैंइ क्‍हेमैंए छैं छेनाले लरिम्। छतसि चु के चमैंइ सैं तोंन्ले लरिगे, गार म्हाँदिसि आङिं। चमैंइ गार म्हाँदिल्‍ले के लस्याँ क्‍हेमैंला तोइ बिब् धों तरिब् आरे।

हिब्रू 2:3

खोंयोंइ आखाँबै छ्ह पिंबै च्हौ थेबै मुक्‍तिलाइ तो धोंइ आङ्हाँस्याँ ङ्यो खैले परमेश्‍वरउँइँले स्योरल् खाँमुँ? चु मुक्‍तिए ताँ धाँसे ओंसों प्रभु येशूजीन् बिब् ग, धै खीए ताँ थेब्‍मैंइ चु ताँ क्ह्रोंसेंन ग बिसि ङ्योने उँइँमिंइ।

याकूब 2:5

ओ ङए खोबै अलि-अङाँमैं, ङए ताँ थेद्, परमेश्‍वरजी चु ह्‍युलर्बै ङ्हाँदुमैंलाइ खीए फिर्बै बिश्‍वासर भोंब् लमिंसि स्वर्ग ग्याल्सर्बै हगवालमैं तबर त्हाँब, आङिं वा? खीलाइ म्हाँया लब्‍मैंने चु ग्याल्स पिंम् बिसि खीजी बाछा फैब, आङिं वा?

दर्शन 19:15

ताँन् ह्रेंमैंलाइ ल्हिबर खीए सुँउँइँले छ्यारबै सेलाँ त्‍होंल। खीजी पैए प्‍हरे छेसि ताँन् ह्रेंमैंए फिर ग्याल्स लमा ताँन् भन्दा थेबै शक्‍ति मुँबै परमेश्‍वरए ह्रिसइ प्लिंबै कोल खीजी प्लेवाब्‍मुँ।

दर्शन 22:17

पबित्र प्ल्ह नेरो प्‍ह्रेंस्‍योइ खीने बिइमुँ, “यु”। चु ताँ थेबै म्हिमैंज्यै या छलेन खीने “यु” बिल् त्‍हुम्। क्‍यु पिब्मैं क्‍यु मूलर खरिगे। छ्ह पिंबै क्‍यु थुँदा ङ्हाँब्मैंइ छलेन् थुँरिगे।