लूका 14:13 - परमेश्‍वरए ताँ तमु क्युइर

¹³ बरु भत्‍यार लमा ङ्हाँदुमैं, डुँडामैं, खोडमैं नेरो कन‍मैं हुइद्।

लूका 14:13 ပူးပေါင်းရင်းမြစ်များ

हितोपदेश 14:31

ङ्‍हाँदुमैंलाइ क्र ओल् आपिंब्मैंइ चमैंलाइ बनेबै परमेश्‍वरलाइ मान आल, दिलेया आयों-आख्युब्मैंए खाँचो टार्दिमिंबै म्हिइ परमेश्‍वरए मान लमुँ।

हितोपदेश 22:9

आयों-आख्युब्मैंलाइ पिंबै म्हिइ आशिक योंब्मुँ, तलेबिस्याँ चइ ह्रोंसए चबै सैमैं ङ्‍हाँदुमैंलाइ चुमिंम्।

मत्ती 15:30

म्हिए हुल खी ङाँर खागु तखइ। धै खेंमैंने बालु पखबै डुँडमैं, कनमैं, स्यालेमैं, लडामैं नेरो ल्‍हें अरू नब् छब्मैं खीए उँइँर थेंमिंमा खीजी चमैं सल् लमिंइ।

मत्ती 22:10

म्रुँइ छबिमा के लबै म्‍हिमैं घ्याँजरे ह्‍यासि चमैंने त्‍होब तब-आतब ताँन् म्हिमैं खागु लसि भत्यारर पखइ। धै ब्ह्‍या लबै धिं प्ह्रेंमैंइ प्‍लिंइ।

लूका 11:41

क्‍हिए थलि प्‍हेलार मुँबै सैमैं आयोंब्मैं पिंन्। छ लस्याँ न्‍हों मुँलेया बैरु मुँलेया क्‍हेमैंए ल्हागिर ताँन् चोखो तब्‍मुँ।

लूका 14:12

छलेन खीलाइ न्हिम्तोर हुइबै म्‍हिलाज्यै या येशूजी बिइ, “क्‍हिइ भत्‍यार लमा ह्रोंसए थुमैं, ह्रजे-म्‍हजे, आघें-अलि ह्रोंसए म्‍हिमैं नेरो प्‍ल्होबै ङ्‌हेब-ट्हुब्मैं न्हिम्तो आलद्, तलेबिस्याँ चमैंज्यै क्‍हिलाइ न्हिम्तोर हुइब्‍मुँ, धै खि फोब् धोंन् तब्‍मुँ।

लूका 14:14

छ लस्याँ क्‍हिइ आशिक योंब्‍मुँ। तलेबिस्याँ क्‍हिए खि चमैंइ फोल् आखाँ। दिलेया परमेश्‍वरजी बिब म्हाँदिबै म्हिमैं सिसि धबै सोगों तमा आयोंब्मैंलाइ पिंबै सैमैंए खि परमेश्‍वरजी क्‍हि पिंब्‍मुँ।”

लूका 14:21

“झाइले के लबै म्हि एखसि ताँन् ताँ ह्रोंसए क्‍ल्‍हेने बिइ, छतमा धिं क्‍ल्‍हे ह्रिस खसि के लबै म्हिने बिइ, ‘तारे युन्ले सहरर ह्‍याद् धै सहरर्बै घ्‍याँए रेजरेबै ङ्हाँदुमैं, डुँडामैं, खोडमैं नेरो कन‍मैं हुइसि पउ,’ बिमा के लबै म्हि धबै हुइबर ह्‍याइ।

चेला चिब्मैंए केमैं 9:39

चु ताँ थेबै लिउँइँ पत्रुस चमैंने बालु ह्‍याइ। चर फेनेसि चमैंइ चलाइ आटि फिर्बै कोठार बोइ। चर्बै ताँन् म्हरेस्योमैं पत्रुसए ङाँर खइ, धै डोरकास खेंमैंने बालु मुँमा चइ टुइ थेंबै भोटो, चोला नेरो अरू क्वेंमैं पत्रुसने उँइँसि चमैं क्रोबर होंइ।

१ तिमोथी 3:2

छतसि बिश्‍वासीमैं न्होंर्बै चिब तोइ छ्याब् आरेब, प्ह्रेंस्यो घ्रि मत्‍त्रे मुँब, आछ्याँबै सैमैंउँइँले जोगेल् खाँब, ताँनने क्ह्रिल् खाँब, ताँनइ क्वेंब, प्ह्रेंमैं मान लल् ह्रब, झाइले म्हिमैं छेनाले लोमिंल् खाँब,

१ तिमोथी 5:10

छाबै म्हरेस्योमैं छ्याँबै के लसि छ्याँबै मिं चल्‍दिब धै ह्रोंसए च्‍ह-चमिमैं छेनाले फारब, प्ह्रेंमैंलाज्यै या चब् थुँबर मान लब, थेब् आप्हैंनले बिश्‍वासीमैंए सेवा लब, दुःख तब्‍मैंलाइ ल्होब, छाबै छ्याँबै केमैंर सैं पिंब्मैं तल् त्‍हुम्।

तीतस 1:8

बरु प्‍ह्रेंमैं मान लब, अरूमैं छयाँब्-क्ह्‍युब् तरिगे ङ्हाँब, ह्रोंसलाइ अधीनर थेंल् खाँब, ताँनइ पदेवा, पबित्र, नेरो आछ्याँबै केमैं आल बिसि ह्रोंसए सैं फैल् खाँबै म्‍हि तल् त्‍हुम्।

फिलेमोन 1:7

ओ अलि, क्‍हिइ ङने च्हौ थेबै म्हाँया लब् म्रोंसि ङ बेल्‍ले सैं तोंसि भों योंइमुँ, तलेबिस्याँ क्हिइ प्रभुए म्‍हिमैंए सैं क्‍होल् लमिंइमुँ।

हिब्रू 13:2

आगुए ह्‍युलउँइँले खबै ङो आसेबै म्‍हिमैंलासे या प्ह्रेंमैं धोंले मान लद्, तलेबिस्याँ को-कोइइ छले स्‍याँ म्‍हिमैं मान लमा था आसेल्‍ले स्‍वर्गदूतमैंए मान लइमुँ।