लूका 14:11 - परमेश्‍वरए ताँ तमु क्युइर

¹¹ तलेबिस्याँ ह्रोंसन् थेब् प्‍हैंबै म्हिमैं परमेश्‍वरजी च्‍योंब लवाब्‍मुँ, दिलेया ह्रोंसन् च्‍योंने तसि टिब्मैंलाइ परमेश्‍वरजी थेब लमिंब्‍मुँ।”

लूका 14:11 ပူးပေါင်းရင်းမြစ်များ

एस्तर 6:10

झाइले म्रुँइ हामानने बिइ, “छ बिस्याँ क्हिइ बिब् धोंलेन् च क्वें नेरो घोडा युनन् पखो, धै यहूदी मोर्दकैए ल्हागिर छान् लद्। च दरबारर्बै ओंसों मुल म्रार टिरिम्। क्हिइ बिबै ताँन् ताँमैंर घ्रि या आछुटिरिगे।”

भजनमैं 138:6

याहवेह बेल्‍ले थेब मुँलेन थेब् आप्हैंब्मैंलाइ खीजी ङ्ह्‍योम्, दिलेया थेब् प्हैंब्मैं बिस्याँ खीजी ह्रेंगोउँइँलेन् ङो सेम्।

भजनमैं 18:27

थेब् आप्हैंब्मैंलाइ क्हिजी जोगेमिंब्मुँ, दिलेया थेब् प्हैंब्मैं बिस्याँ क्हिजी कुरुवाब्मुँ।

हितोपदेश 15:33

याहवेहए मान लबै म्हिइ बुद्धि योंम्, ह्रोंस च्योंने तस्याँ मान योंब्मुँ।

हितोपदेश 18:12

तोन् तोर्न थेब् प्हैंबै म्हि नास तयाब्मुँ, कुरबै म्हिइ मान योंब्मुँ।

हितोपदेश 25:27

क्वे खुदु ल्हें चब छ्याँब आङिं, छलेना ह्रोंसन मान म्हैब छ्याँब आत।

हितोपदेश 29:23

तोन् तोर्न थेब् प्हैंबै म्हि कुरल् त्हुम्; दिलेया कुरबै म्हिइ मान योंब्मुँ।

मत्ती 23:12

ह्रोंसइन ह्रोंस थेब लबै म्हि परमेश्‍वरजी च्‍योंब् लवाब्‍मुँ। धै ह्रोंसइन ह्रोंस च्योंब् लबै म्हि परमेश्‍वरजी थेब लमिंब्‍मुँ।

लूका 1:51

खीजी ह्रोंसए भोंबै योजी थेबै केमैं लइँमुँ, सैं न्हों-न्हों छलम् छुलम् बिसि थेब् प्हैंब्मैंलाइ सग्याँ-प्हुग्याँ लवाइमुँ।

लूका 1:52

खीजी थेब् प्हैंबै म्रुँमैं चमैंए राजगद्दिउँइँले तवाइमुँ, आ‍यों आख्युब्मैंलाइ कैंडो लमिंइमुँ।

लूका 14:12

छलेन खीलाइ न्हिम्तोर हुइबै म्‍हिलाज्यै या येशूजी बिइ, “क्‍हिइ भत्‍यार लमा ह्रोंसए थुमैं, ह्रजे-म्‍हजे, आघें-अलि ह्रोंसए म्‍हिमैं नेरो प्‍ल्होबै ङ्‌हेब-ट्हुब्मैं न्हिम्तो आलद्, तलेबिस्याँ चमैंज्यै क्‍हिलाइ न्हिम्तोर हुइब्‍मुँ, धै खि फोब् धोंन् तब्‍मुँ।

लूका 18:14

“ङ क्हेमैंने बिमुँ, च फरिसी भन्दा बालि रेबै म्‍हि परमेश्‍वरए उँइँर ठिक ठर्दिसि धिंर एह्‍याइ। तलेबिस्याँ तोगो च्योंने तसि कुरब्मैंलाइ परमेश्‍वरजी थेब लमिंब्मुँ। तोगो ङम् ङन् ग बिसि थेब् प्हैंब्मैं परमेश्‍वरजी कुरवाब्‍मुँ।”

याकूब 1:9

परमेश्‍वर म्हाँदिबै म्‍हि ङ्हाँदु मुँलेया “परमेश्‍वरजी ङलाइ थेब लमिंइमुँ!” बिसि चइ सैं थेब लरिगे।

याकूब 4:10

ह्रोंसलाइ प्रभुए उँइँर च्‍योंब लद्, धै खीजी क्‍हेमैं थेब लमिंब्‍मुँ।

याकूब 4:6

दिलेया खीजी अझै दयाम्हाँया लम्। छतसि परमेश्‍वरए छ्वेर छले बिइमुँ, “थेब् प्हैंब्मैंलाइ खीजी आखो, दिलेया च्योंने तब्मैंए फिर दयाम्हाँया लम्।”

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”

१ पत्रुस 5:6

छतसि ह्रोंसन् च्‍योंने तसि थेबै शक्‍ति मुँबै परमेश्‍वरए यो न्होंर टिद्, धै खीजी ठिक त्हेर क्‍हेमैंलाइ थेब् लमिंब्‍मुँ।