लूका 14:1 - परमेश्‍वरए ताँ तमु क्युइर

¹ तिगें प्रिबै त्हिंइर येशू फरिसी घ्रिए धिंर चब् चबर ह्‍याइ। च म्‍हि फरिसीमैं न्‍होंर्बै चिब मुँल। “येशूजी तो-तो लमगे?” बिसि म्हिमैंइ छैं लरिल।

लूका 14:1 ပူးပေါင်းရင်းမြစ်များ

भजनमैं 37:32

ठिक के लबै म्हिमैंलाइ खैले सैल् योंब् ङ्‍हे बिसि दुष्‍ट म्हिमैं च्ह्‍याइ टिम्।

भजनमैं 41:6

ङलाइ ङ्ह्‍योबरम् खनबिलैया चमैं छ्याँबै सैंउँइँले आख; चमैंइ सुँइ लिरिक्‍क लमुँ, दिलेया बैरु त्होंयाबै लिउँइँ ङए ताँन् लप्रम्।

भजनमैं 62:4

चए थेबै पदउँइँले चलाइ क्युरु तवाबर चमैंइ मत्‍त्रे आछ्याँबै ताँ मैंरिम्। चमैं स्योलिबै ताँमैंर सैं तोंम्। चमैंए सुँइ आशिक पिंमुँ, सैं न्होंर बिस्याँ सराप पिंम्। तिस्याँदे मैंन्

हितोपदेश 23:7

तलेबिस्याँ चइ खोंयोंन् बिलै ह्रोंसए खि खैले रेब् ङ्‍हे बिसि मैंरिम्; चइ क्हिने “चद्! थुँन्!” बिलेया चए सैं क्हिए फिर छ्याँब आत!

मत्ती 12:12

क्‍यु भन्दा म्‍हि झन् बेल्‍ले थेब मुँ! छतसि प्रिबै त्हिंइर के लब ठिक मुँ।”

मर्कूस 3:2

“के लल् आतबै प्रिबै त्हिंइरै येशूजी च म्‍हि सल् लमिंम् उ?” बिसि छ्याब् ल्‍हैदिबै सैंले को-कोइ म्हिमैं येशूए छैं लरिल।

लूका 11:37

येशूजी चु ताँमैं बिल् खाँबै लिउँइँ फरिसी घ्रिइ येशूलाइ खीए धिंर चब् चबर हुइ। झाइले येशू चए धिंर ह्‍यासि चब् चबर क्हुँइ।

लूका 14:2

च त्‍हेर्न यो प्‍हले रोंबै म्‍हि घ्रि येशूए उँइँर मुँल।

लूका 17:20

कोइ फरिसीमैंइ येशूने “परमेश्‍वरए ग्याल्स खोंयोंसेरो खम्?” बिसि ङ्योएमा येशूजी चमैंने बिइ, “परमेश्‍वरए ग्याल्स म्हिमैंए मिइ म्रोंल्‍ले आखा।

लूका 20:20

येशूजी बिबै ताँमैंउँइँले खीलाइ फसेदिसि रोमी क्रथेए योर पिंवाबै दाउ चमैंइ ङ्‍ह्‍योरिल। छतसि छ्याँबै के लब्मैं धों ब्योंबै म्‍हिमैं छैं लबर चमैंइ येशू ङाँर कुलइ।

लूका 6:7

छतसि खीजी प्रिबै त्हिंइरै या च नबै म्हिलाइ सल् लमिंम् उ सल् लस्याँ खीए फिर छ्याब् ल्‍हैदिल् योंम् बिसि को-कोइ शास्‍त्रिमैं नेरो फरिसीमैंइ खीए छैं लरिल।

यूहन्‍ना 3:1

फरिसीमैं न्होंर निकोदेमस मिं मुँबै म्हि घ्रि मुँल। च यहूदी चिबनाँब्मैं न्होंर्बै म्हि घ्रि मुँल।

चेला चिब्मैंए केमैं 5:34

दिलेया गमलियल मिं मुँबै फरिसी थेबै म्हि च्होंए उँइँर राइ। च छ्वेर्बै ताँ ह्रब् सेब, ताँनइ म्हाँदिब, नेरो परमेश्‍वरए ठिम लोमिंबै म्हि मुँल। चइ सिपाइमैंने “चमैं तिस्याँदे बैरु कुलद्,” बिइ।