लूका 13:4 - परमेश्‍वरए ताँ तमु क्युइर

⁴ झाइले अर्को ताँ, सिलोआम बिबै क्ल्ह्‍योर्बै धरर फुयासि च्युसे प्रे म्‍हि सि‍याल। चमैं या अरू यरूशलेमथेंमैं भन्दा ल्हें पापिमैं तसि सिब् वा?

लूका 13:4 ပူးပေါင်းရင်းမြစ်များ

मत्ती 18:24

झाइले म्रुँइ हिसाब किंबर होंमा हजार च्‍यु माराए मुइ फोल् त्‍हुबै म्हि घ्रि म्रुँ ङाँर पखइ।

मत्ती 6:12

ङिए फिर आछ्याँब् लब्मैंलाइ ङिइ क्षमा पिंल् खाँब् धोंले ङिइ लबै आछ्याँबै केमैंउँइँले ङि क्षमा पिंनु।

लूका 11:4

ङिए पाप क्षमा लमिंनु, तलेबिस्याँ ङिए फिर आछ्याँबै के लब्मैंलाइ ङिज्यै या ङि क्षमा लम्। ङि सैदिल् आखाँबै जाँजर च्होंल् आपिंनु।’”

लूका 13:3

ङ क्‍हेमैंने बिमुँ, छले आङिं। ताँन् म्‍हिमैं पापिन् मुँ। क्‍हेमैंइ दुष्‍ट के लब् आपिइ बिस्‍याँ क्‍हेमैं या छलेन् नास तब्‍मुँ।

लूका 13:5

ङ क्‍हेमैंने बिमुँ, छले आङिं, ताँन् म्‍हिमैं पापि मुँ। क्‍हेमैंइ दुष्‍ट के लब् आपिइ बिस्‍याँ क्‍हेमैं ताँन् छलेन् नास तब्‍मुँ।”

यूहन्‍ना 9:11

चइ बिइ, “येशू बिबै म्हिजी स च्‍येंसि ङए मिर फोमिंइ, धै ‘सिलोआमर ह्‍यासि ख्रुद्’ बिइ। ङ ह्‍यासि ख्रुबै तोंदोंन् ङए मि म्रोंल् खाँब् तइ।”

यूहन्‍ना 9:7

धै खीजी चने बिइ, “सिलोआम ङ्‍ह्‍योखोर ह्‍यासि क्‍हिए मि ख्रुद्।” (सिलोआमए अर्थ कुल्मिंब् ग।) छबिमा च ह्‍यासि ख्रुइ, झाइले मि म्रोंल् खाँब् तसि एखइ।

चेला चिब्मैंए केमैं 28:4

पावलए योर प्‍हुरि बेर्दिब् म्रोंसि चर्बै म्‍हिमैंइ, “चु म्‍हि क्ह्रोंसेंन्ले म्हि सैबै म्हि तल् त्‍हुम्! च मा ङ्युँइउँइँले सोइ खलेना निसाफउँइँले चु स्योरल् आखाँ,” बिसि खेंमैंए न्होंर बिबर होंइ।