लूका 13:34 - परमेश्‍वरए ताँ तमु क्युइर

³⁴ झाइले येशूजी बिइ, “यरूशलेमथेंमैं, ओ यरूशलेमथेंमैं, क्‍हेमैंइ अगमबक्‍तामैं सैवाइमुँ, छलेन क्हेमैं ङाँर खब्मैंलाज्यै या युँमाइ प्रिंइ। नग आमाइ प्हसेमैं प्‍ह्‍याइ हुब् धोंले ङइ ल्‍हें खे क्‍हेमैंलाइ हुल् म्हैइ, दिलेया क्‍हेमैं आङिं।

लूका 13:34 ပူးပေါင်းရင်းမြစ်များ

भजनमैं 149:2

ह्रोंसलाइ बनेबै परमेश्‍वरर्न इस्राएल सैं तोंरिगे; सियोनर्बै म्हिमैं ह्रोंसए म्रुँने सैं तोंरिगे!

भजनमैं 17:8

क्हिए मिफुँ धोंले ङ जोगेसि थेंमिंन्।

भजनमैं 36:7

ओ याहवेह, क्हिए खोंयोंइ आनुबै म्हाँया बेल्‍ले थेब मुँ! ताँन् म्हिमैंइ क्हिए प्ह्‍यागोमैं न्होंर ग्वार योंम्।

भजनमैं 57:1

ङए फिर ल्हयो खमिंन्, ओ परमेश्‍वर, ल्हयो खमिंन्! क्हिए प्हलेर्न ग्वार योंबर ङ खइमुँ; चु दु:ख पिंबै सैंमैं आस्योवान् समा क्हिए प्ह्‍यागोंए न्होंर्न ङइ ग्वार योंब्मुँ।

भजनमैं 81:13

ङए म्हिमैंइ ङए कै थेरिगे, धै इस्राएल ङए घ्याँर प्ररिगे बिब ङए सैं मुँ!

भजनमैं 91:4

खीजी ह्रोंसए प्ह्‍यागोंइ क्हिलाइ हुमिंब्मुँ, धै खीए प्ह्‍यागों न्होंर क्हिइ ग्वार योंब्मुँ; खी भर लल् खाँबै परमेश्‍वर ग, छतसि ढाल तसि खीजी क्हिलाइ रक्षा लमिंम्।

मत्ती 22:3

झाइले म्रुँइ भत्यारर न्हिम्‍तो पिंबर चए के लबै म्‍हिमैं कुल्‍मिंइ। दिलेया न्हिम्तो लब्मैं खल् आङिं।

मत्ती 22:6

अरूमैंइ च न्हिम्‍तो पिंबर ह्‍या‍ब्मैंलाइन क्हासि खैच्हिजिले धोंसि सैवाइ।

लूका 15:28

“चु ताँ थेसि च्‍ह थेब बेल्‍ले ह्रिस खसि धिं न्‍होंर ह्‍याल् आङिं। छतमा आबा बैरु त्‍होंसि च वाँबर होंइ।

लूका 19:44

चमैंइ चु सहर फुवासि चु न्‍होंर्बै ताँन् म्‍हिमैं या सैवाब्‍मुँ। धिंए गारार युँमा घ्रिए फिर अर्को युँमा तरिब् आरे। तलेबिस्याँ ‘ङिं जोगेमिंबर परमेश्‍वर युल!’ बिबै ताँ क्हेमैंइ क्होल् आखाँल।”

लूका 23:28

येशूजी लिग्‍याँ तोसि चमैंने बिइ, “ओ यरूशलेम सहरर्बै च्हमिमैं, क्हेमैं ङए ल्हागिर आक्रोद्, क्हेमैं ह्रोंस् नेरो ह्रोंसए च्‍ह-चमिए ल्हागिर क्रोद्।

चेला चिब्मैंए केमैं 7:52

ताँन् अगमबक्‍तामैंलाइ चमैंइ ह्रुगुदिल! खीए पबित्र के लबै म्हि युसिन् मुँ ओंसों बिबै म्हिमैंलाज्यै या चमैंइ सैवाल। तोगो च म्हि युज्यै या क्हेमैंइ चलाइ क्हाल् पिंसि सैवाइमुँ।

चेला चिब्मैंए केमैं 7:59

चमैंइ युँमाइ ल्हिरिमा स्तिफनसइ बिइ, “ओ प्रभु येशू, ङए प्ल्ह क्हिजी किंनु।”

चेला चिब्मैंए केमैं 8:1

शाऊल या स्तिफनस सैबै म्हिमैंने क्ह्रिल। च त्हिंइ सेरोन् यरूशलेमर मुँबै चर्चए फिर थेबै दुःख तबर होंइ। छान् तलेया कुल्मिंबै चेला चिब्मैं चर्न टिइ। अरू चेलामैं बिस्याँ येहूदिया नेरो सामरिया ह्‍युलउँइँ प्हुँयाँइ।

दर्शन 11:8

झाइले चमैंए सिनुमैं खेंमैंए प्रभुलाइ क्रूसर सैबै थेबै सहरए घ्याँर तब्‍मुँ। (च सहरलाइ अहानर सदोम सहर नेरो मिश्र ह्‍युल बिम्।)

रूथ 2:12

छले छ्याँबै के लबइले क्हिए फिर इस्राएलए परमेश्‍वर याहवेहजी आशिक पिंरिगे। खी ङाँर क्हि खइमुँ, छतसि खीजी खोंयोंन् बिलै क्हिए फिर आशिक पिंरिगे।”