लूका 13:33 - परमेश्‍वरए ताँ तमु क्युइर

³³ ‘तिंयाँ, प्‍हँना नेरो नोगि या ङ‍ चु जरेन् प्रल् त्हुम्। तलेबिस्याँ यरूशलेम बाहेक अरू क्ल्ह्‍योर अगमबक्‍तामैं सैल् आखाँ।’”

लूका 13:33 ပူးပေါင်းရင်းမြစ်များ

मत्ती 20:18

“ङ्यो यरूशलेमउँइँ ह्‍यासिन् मुँ। तारे म्हिए च्ह म्‍हिमैंइ ख्रो पिंबै खेगि चिब्मैं नेरो शास्‍त्रिमैंए योर पिंवाब्‍मुँ, धै चमैंइ खीलाइ सैलन् त्हुबै छ्याब् ल्हैदिब्मुँ।

मत्ती 21:11

येशूने मुँबै हुलइ बिइ, “चु गालील ह्‍युलर्बै नासरतउँइँले खबै अगमबक्‍ता येशू ग।”

लूका 9:53

दिलेया “येशू यरूशलेमर ह्‍याम्” बिब् था सेसि च नाँसथेंमैंइ खीलाइ मान आल।

यूहन्‍ना 11:54

छतसि येशू धबै यहूदीमैंइ म्रोंन्‍ले प्रब्-टिब आल। दिलेया यरूशलेम पिसि म्हि आटिबै क्ल्ह्‍योए चेंदोर्बै एफ्राइम बिबै नाँसर ह्‍यासि चर्न ह्रोंसए चेलामैंने बालु टिइ।

यूहन्‍ना 11:9

छबिमा येशूजी बिइ, “त्‍हिंयाँर च्युसे ङ्हिं घण्टा आत वा? त्‍हिंयाँर प्रब्मैंए प्हले आथुर। तलेबिस्याँ चइ चु ह्‍युलर्बै ह्‍वे म्रोंम्।

यूहन्‍ना 12:35

येशूजी चमैंने बिइ, “अझै तिस्याँदे समा चारबै ह्‍वे क्‍हेमैंनेन् तब्मुँ। मिछु खैबइ क्हेमैं आहुरिगे बिसि चारबै ह्‍वे क्हेमैंने मुँरिबर्न प्ररिद्। मिछु खैबर प्रबै म्हिइ ह्रोंस् खनिर ह्‍यारिइमुँ बिसि सेल् आखाँ।

यूहन्‍ना 4:34

येशूजी चमैंने बिइ, “ङलाइ कुल्मिंबै परमेश्‍वर आबाजी बिब् ङिंब नेरो खीजी पिंबै के खाँन् लबन् ङए चबै सै ग।

यूहन्‍ना 9:4

ङ कुल्मिंबै आबाजी ल्‍हैदिबै केमैं ङ्योइ त्हिंयाँ मुँमन् लल् त्हुम्। म्‍हुँइँस त‍यासेरो खाबज्यै के लल् आखाँ।

चेला चिब्मैंए केमैं 10:38

परमेश्‍वरजी नासरतथें येशूलाइ पबित्र प्ल्ह नेरो शक्‍तिजी प्लिंमिंसि खीजी छ्याँबै केमैं लदै, दुष्‍टइ ह्रुगुदिब्मैं सल् लमिंदै प्रइ, तलेबिस्याँ परमेश्‍वर खीने बालु मुँल।

चेला चिब्मैंए केमैं 13:27

दिलेया यरूशलेमथेंमैं नेरो चमैंए क्रथे मिंथेमैंइ येशू खाब् जा बिसि ङो आसेल, धै प्रिबै त्हिंइ ह्रोंसे अगमवक्‍तए ताँ खेलेया, चमैंइ च ताँ तो जा बिसि आक्होल। छतसि चमैंइ येशूलाइ सजैं पिंसि अगमबक्‍तामैंइ खीए बारेर ओंसोंन् पोंब् धोंले पूरा लइ।