लूका 13:27 - परमेश्‍वरए ताँ तमु क्युइर

²⁷ “दिलेया ‘क्हेमैं खनिउँइँले खल ङइ आसे। ओ दुष्‍ट के लब्मैं, ङ ङाँइँले ह्रेंगो तयाद् बिसि च क्‍ल्‍हेइ क्‍हेमैंने,’ बिब्मुँ।

लूका 13:27 ပူးပေါင်းရင်းမြစ်များ

भजनमैं 1:6

छलेन याहवेहजी ठिक के लब्मैं प्रल् त्हुबै घ्याँर रक्षा लमिंम्, दिलेया दुष्‍ट म्हिमैं बिस्याँ नास तबै घ्याँर प्रम्।

भजनमैं 101:8

ह्‍युलर्बै ताँन् दुष्‍ट म्हिमैं ङइ न्हाँग ह्रोंसे नास लवाब्मुँ, दुष्‍ट के लब्मैं ताँनलाइ याहवेहए सहरउँइँले ङइ ल्हावाब्मुँ।

भजनमैं 119:115

ङए परमेश्‍वरए ताँमैं ङइ छेनाले ङिंरिगे बिसि, ओ दुष्‍ट के लब्मैं, ङउँइँले ह्रेंगो तह्‍याद्।

भजनमैं 125:5

दिलेया आछ्याँबै के लप्रब्मैं बिस्याँ याहवेहजी दुष्‍ट के लब्मैंलाइ पिंब् धों तबै सजैं पिंब्मुँ! इस्राएलए फिर शान्ति तरिगे!

भजनमैं 28:3

दुष्‍ट म्हिमैं नेरो आछ्याँबै के लब्मैंने बालु ङलाइ दण्ड आपिंन्! चमैंइ ह्रोंसए ङ्‍हेब्मैंने बालु छ्याँबै ताँ लम्, दिलेया चमैंए खोंर बिस्याँ आछ्याँबै ताँ मैंम्।

भजनमैं 5:6

स्योर तेसि पोंब्मैं क्हिजी नास लम्; म्हि सैब्मैं नेरो लुब्मैंने याहवेह छेरम्।

भजनमैं 6:8

ओ आछ्याँबै के लबै म्हिमैं, ङ ङाँइँले ह्‍याद्, तलेबिस्याँ ङ क्रोब याहवेहजी थेइमुँ।

मत्ती 25:12

दिलेया खीजी चमैंने ‘क्ह्रोंसेंन क्हेमैं खाब् जा ङइ ङो आसे,’ बिइ।

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

लूका 13:25

धिं क्‍ल्‍हे रेसि म्रा तोरवाबै लिउँइँ क्‍हेमैं बैरु रासि म्रा ह्रादै ‘ओ प्रभु, म्रा थोंमिंन्,’ बिब्‍मुँ, दिलेया खीजी ‘क्‍हेमैं खनिउँइँले खल ङइ क्‍हेमैं ङो आसे,’ बिब्मुँ।

१ कोरिन्थी 8:3

दिलेया परमेश्‍वरउँइँ सैं एसि खीलाइ म्हाँया लबै म्हिलाइन परमेश्‍वरजी ङो सेम्।

गलाती 4:9

दिलेया तोगो क्‍हेमैंइ परमेश्‍वरलाइ ङो सेइमुँ - बिलन् त्हुमा: परमेश्‍वरजी क्‍हेमैंलाइ ङो सेइमुँ। परमेश्‍वर ङो सेसेया क्‍हेमैं तले ओंसोंन् म्हाँदिबै केर आफेबै सैमैंन् म्हाँदिसि धबै चु ह्‍युलर्बै छ्यामैंए न्होंर तदा ङ्हाँमुँ?

२ तिमोथी 2:19

दिलेया परमेश्‍वरजी बिबै ताँ बिस्याँ थेबै जग धोंले भोंब मुँ। च जगए फिर पबित्र प्ल्हजी छाप ल्हैदिइमुँ, “प्रभुजी खीए म्हिमैं ङो सेमुँ” धै “प्रभए मिं किंब्मैं ताँन् आछ्याँबै केउँइँले ह्रेंगो तल् त्हुम्।”