लूका 13:24 - परमेश्‍वरए ताँ तमु क्युइर

²⁴ येशूजी चमैंने बिइ, “रुबै म्राउँइँले न्‍होंर होंबै भों लद्, तलेबिस्याँ ङ क्‍हेमैंने बिमुँ, ल्‍हें म्‍हिमैं रुबै म्राउँइँले न्‍होंर होंल् म्‍हैब्‍मुँ, दिलेया होंल् खाँरिब् आरे।

लूका 13:24 ပူးပေါင်းရင်းမြစ်များ

हितोपदेश 14:6

आगु प्ह्रबै म्हि ह्रब्-सेब् तल् म्हैलेया आत, दिलेया बुद्धि मुँबै म्हिइ च्हैंब् मैंब् लल् खाँम्।

हितोपदेश 21:25

के लदा आङ्हाँबइले प्ल्हेगु सिम्, तलेबिस्याँ चए योइ के लल् आम्है।

मत्ती 11:12

यूहन्‍नाइ सैं तोंबै ताँ बिमिंबै त्हेउँइँले तोगो समा स्वर्गर्बै ग्याल्स युन्ले ओंसों ह्‍यारिइमुँ। बिरोध लब्मैं बिस्याँ खैच्हिजिले च ग्याल्स ट्होल् म्हैम्।

लूका 13:23

छले ह्‍यारिमा म्‍हि घ्रिइ खीने “ओ गुरु, च्युगुदे म्हिइ मत्‍त्रे खोंयोंइ आखाँबै छ्ह योंम्मा?” बिसि ङ्योएइ।

लूका 21:36

छतसि च ङ्हिंन् तबै ताँमैंउँइँले जोगेसि म्हिए च्हए उँइँर राल् योंबै ल्हागिर परमेश्‍वरने प्राथना लब्रें लसि न्ह क्रोंले टिद्।”

यूहन्‍ना 13:33

“ओ ङए च्योंनें कोलोमैं, दे त्हे समा मत्‍त्रे ङ क्हेमैंने बालु तब्मुँ! क्हेमैंइ ङ म्हैब्मुँ, ङइ यहूदी चिबनाँब्मैंने बिब् धोंले तारे क्हेमैंने या बिमुँ, ङ ह्‍याबै क्ल्ह्‍योर क्हेमैं खल् आखाँ।

यूहन्‍ना 5:4

तलेबिस्याँ खोंयों म्होंयों परमेश्‍वरए स्‍वर्गदूत घ्रि युसि ह्राए क्‍यु लामिंमल। धै क्‍यु लाबै त्हेर ओंसों क्युर होंबै म्हिला खैबै नब् छब् मुँलेना च नबै म्हि सयामल।]

यूहन्‍ना 6:27

नास तयाबै चबै सैए ल्हागिर दुःख आलद्, बरु खोंयोंइ बिलै सोरिल् योंबै चबै सैए ल्हागिर दुःख लद्। चु खोंयोंन् बिलै सोल् योंबै क्हें म्हिए च्ह ङइ क्हेमैंलाइ पिंब्मुँ, तलेबिस्याँ क्हेमैं खोंयोंन् बिलै सोरिगे बिसि परमेश्‍वर आबाजी ङलाइ त्हाँसि कुल्मिंब् ग।”

यूहन्‍ना 7:34

च त्‍हेर क्‍हेमैंइ ङलाइ म्‍हैब्‍मुँ, दिलेया स्यारिब् आरे। तलेबिस्याँ ङ ह्‍याबै क्‍ल्‍ह्‍योर क्‍हेमैं खल् आखाँ।”

यूहन्‍ना 8:21

येशूजी धबै चमैंने बिइ, “ङ छुइले ह्‍याब्मुँ, झाइले क्‍हेमैंइ ङ म्‍हैब्‍मुँ, दिलेया क्‍हेमैं ह्रोंसए पापर्न सियाब्मुँ। तलेबिस्याँ ङ ह्‍याबै क्ल्ह्‍योर क्‍हेमैं खल् आखाँ।”

रोमी 10:3

परमेश्‍वरजी म्हिलाइ खैले ठिक ठर्दिमुँ बिब चमैंइ वास्ता आल, बरु चमैंइ ह्रोंसइ लबै धर्म-कर्मइ परमेश्‍वरए उँइँरि ठिक ठर्दिल् म्‍हैइ। छतमा चमैं परमेश्‍वरए उँइँर ठिक ठर्दिबै घ्याँर प्रल् आङिं।

कलस्सी 1:29

ङए सैं न्होंर ख्रीष्‍टजी थेंमिंबै भोंउँइँले ङ खैबै दुःखन् तलेया चु के लम्।

हिब्रू 4:11

छतसि परमेश्‍वरजी भों न्हल् पिंबै क्ल्ह्‍योर होंल् योंबै ल्हागिर ङ्योइ भों लले। स्योंम्बै म्हिमैं परमेश्‍वरजी बिबै ताँ आङिंसि भों न्हबै क्ल्ह्‍योर होंल् आयों छतमा ङ्यो या चमैं धोंब तल आत्हुरिगे।

२ पत्रुस 1:10

छतसि ओ ङए अलि-अङाँमैं, परमेश्‍वरजी क्‍हेमैंलाइ त्हाँसि हुइमुँ बिबै ताँ क्ह्रोंसेंन् ग बिसि उँइँबै ल्हागिर क्हेमैं छेनले छ्ह थोद्। छ लस्‍याँ क्‍हेमैं परमेश्‍वरउँइँले खोंयोंइ ह्रेंगो तरिब् आरे।