लूका 13:16 - परमेश्‍वरए ताँ तमु क्युइर

¹⁶ चु अब्राहामए कुलर्बै च्हमि च्युसे प्रेदिं समा दुष्‍टइ फैथेंबै फैंसों प्रिबै त्हिंइर प्ल्हमिंल् त्हुब् आङिं वा?

लूका 13:16 ပူးပေါင်းရင်းမြစ်များ

भजनमैं 107:14

खीजी मिछु खैबै कालए छरि न्होंउँइँले चमैंलाइ बैरु पखइ, धै खीजी चमैंए फैछोमैं कुदु-कुदु लवाइ।

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

मर्कूस 2:27

झाइले येशूजी चमैंने बिइ, “‘म्‍हिमैंइ आशिक योंरिगे’ बिसि परमेश्‍वरजी प्रिबै त्हिंइ लमिंब् ग। ‘म्‍हिमैंइ छ्याए ल्‍हिबै ति नोरिगे’ बिसि लब् आङिं।

लूका 16:24

“चइ कै तेसि बिइ, ‘ओ बाज्‍यू अब्राहाम, ङए फिर ल्हयो खसि लाजरस ङ ङाँर कुल्मिंन्। चए योरि क्‍युर प्‍ल्हुँसि ङए सुँर झोंमिंरिगे। तलेबिस्या ङ चु मिए राबर थेबै दुःख योंरिइमुँ।’

लूका 19:9

येशूजी चने बिइ, “तिंयाँ चु धिंर्बै म्हिमैंइ मुक्‍ति योंइमुँ, तलेबिस्याँ चु या अब्राहामए सन्तान ग।

लूका 3:8

छतसि क्हेंमैए सैं परमेश्‍वरउँइँ एसि छ्याँबै के लसि उँइँन्। ‘ङि यहूदीमैं परमेश्‍वरजी त्‍हाँबै म्‍हि अब्राहामए कुलर्बै सन्तानमैं ग। छतसि ङिइ परमेश्‍वरउँइँले सजैं आयों बिसि क्हेमैंइ आमैंन्’ तलेबिस्याँ परमेश्‍वरजी चु युँमाउँइँले या अब्राहामए ल्हागिर सन्तानमैं लमिंल् खाँम्।

यूहन्‍ना 8:44

क्‍हेमैं ह्रोंसए आबा दुष्‍टल् ‍ग। छतसि क्‍हेमैंए आबाए सैंर मैंब् धोंले क्हेमैंइ लल् म्हैम्। चम् ओंसों ओंनोंन् सैब् म्‍लोब लमल। क्‍ह्रोंसेंन्‍बै ताँने चए ताँ खोंयोंन् बिलै क्ह्रिल् आखाँ। तलेबिस्याँ चने क्ह्रोंसेंन्बै ताँ तिफुँइ आरे। छतसि स्‍योर ताँ पोंम्, चए ब्योर खैतब् मुँ चइ छाबन् पोंम्, तलेबिस्याँ च स्‍योर्गु ग, च स्‍योर तेब्‍मैंए आबा ग।

चेला चिब्मैंए केमैं 13:26

“ओ आघें-अलिमैं, अब्राहामए सन्तान्मैं, नेरो परमेश्‍वर म्हाँदिबै अरू ह्रेंर्बै म्हिमैं! परमेश्‍वरजी ङ्योए ङाँर्न चु जोगेमिंबै ताँ कुल्मिंइँमुँ।

२ तिमोथी 2:26

छलेन चमैंए मि थोंयाबइले चमैं दुष्‍टए ङोउँइँले स्योरल् खब्मुँ, तलेबिस्याँ दुष्‍टइ चमैंलाइ क्ह्रोंसेंन्बै ताँ क्होल् आखाँब लथेंल।