लूका 13:14 - परमेश्‍वरए ताँ तमु क्युइर

¹⁴ येशूजी प्रिबै त्हिंइर च च्हमिरि सल् लमिंब् म्रोंसि च्हों धिंर्बै चिब बेल्‍ले ह्रिस खसि चर्बै म्‍हिमैंने बिइ, “के लब टुरो मुँ, छतसि च टुरो न्‍होंर खसि सस्याँ तम्। प्रिबै त्हिंइर छ लब आत।”

लूका 13:14 ပူးပေါင်းရင်းမြစ်များ

प्रस्थान 20:9

ट्हुगैं समा ह्रोंसए लल् त्हुबै केमैं ताँन् लद्,

प्रस्थान 23:12

“टुगैं समा के लद्, दिलेया ङिगैंर भों न्हद्, छ लस्याँ क्हेमैंए क्ल्या, गदा, क्हिए धिंर्न फिबै केब्छैं नेरो आगुए ह्‍युलर्बै म्हिमैंइ भों न्हल् योंब्मुँ।

मत्ती 12:2

छले चब् म्रोंसि फरिसीमैंइ खीने बिइ, “ङ्‍ह्‍योत्ति, क्‍हिए चेलामैंइ प्रिबै त्हिंइर तो लल् आत चन् लइमुँ।”

मर्कूस 5:22

चर्बै च्हों धिंर्बै चिब्मैं न्होंर्बै याइरस बिबै म्‍हि घ्रि चर खइ, धै येशू म्रोंसि खीए प्‍हलेर फ्योसि

लूका 6:11

छ लब् म्रोंसि फरिसीमैं नेरो शास्‍त्रिमैं बेल्‍ले ह्रिस खसि चुलाइ तो लले बिसि खेमैं न्‍होंर मत लबर होंइ।

लूका 6:7

छतसि खीजी प्रिबै त्हिंइरै या च नबै म्हिलाइ सल् लमिंम् उ सल् लस्याँ खीए फिर छ्याब् ल्‍हैदिल् योंम् बिसि को-कोइ शास्‍त्रिमैं नेरो फरिसीमैंइ खीए छैं लरिल।

लूका 8:41

च त्हेर्न च्हों धिंर्बै याइरस बिबै चिब घ्रि येशू ङाँर खसि प्‍हले फ्‍योसि चए धिंर खमिंन् बिसि खीने यो छ्युँ लइ।

चेला चिब्मैंए केमैं 13:15

झाइले म्हिमैंइ मोशाइ पिंबै ठिम नेरो अगमबक्‍तामैंए कितब खेबै लिउँइँ च्हों धिंर्बै चिब्मैंइ, “ओ अलि-अङाँमैं, क्हेमैंने म्हिमैंए ल्हागिरि अर्तिए ताँमैं तोइ मुँस्याँ बिमिंन्,” बिसि पावल नेरो चए थुमैं ङाँर सँउँसर पिमिंइ।

चेला चिब्मैंए केमैं 18:17

छतमा च त्हेर्न चमैं ताँनइ च्हों धिंर्बै चिब सोस्‍थेनिस क्हासि अड्डा धिंए ओंसों धोंरिइ। दिलेया गलियोनइ च ताँए तोइ वास्ता आल।

चेला चिब्मैंए केमैं 18:8

च्हों धिंर्बै चिब क्रिस्‍पस नेरो चए ताँन् परवाइ प्रभुए फिर बिश्‍वास लइ, धै कोरिन्‍थिमैं न्होंरै या ल्हें म्हिइ पावलए ताँ थेइरि बिश्‍वास लसि बप्‍तिस्मा किंइ।

रोमी 10:2

चमैंइ परमेश्‍वरलाइ बेल्‍ले छेनाले म्हाँदिदा ङ्हाँमुँ बिसि ङ साक्षि पिंल् खाँम्; दिलेया खैले म्हाँदिल् त्हुम् बिसि चमैंइ आसेइमुँ।