लूका 13:13 - परमेश्‍वरए ताँ तमु क्युइर

¹³ च्हौ बिसि येशूजी ह्रोंसए यो चए फिर थेंबै तोदोंन् च च्हमिरि ठाड् तइ धै परमेश्‍वरए मिं क्वेबर होंइ।

लूका 13:13 ပူးပေါင်းရင်းမြစ်များ

मत्ती 9:8

छले खीजी लबै औदिबै के म्रोंसि चर्बै म्हिमैं ङ्हिंयाँइ, धै म्हिमैंलाइ च्हौ थेबै शक्‍ति पिंबै परमेश्‍वरए मिं क्वेइ।

मर्कूस 16:18

चमैंइ प्‍हुरिमैं क्‍हाल् खाँब्‍मुँ, बिष थुँलेया तोइ न्होह्रों तरिब् आरे, चमैंइ नबै म्‍हिमैंए फिर यो थेंमा च म्हिमैं सब्मुँ।”

मर्कूस 5:23

“ङए च्हमि च्‍योंब्स्यो नसि सार तइमुँ। छतसि च ससि सोरिगे बिसि क्‍हि ङए धिंर खसि चए फिर यो थेंमिंन्,” बिसि चइ यो छ्युँ लइ।

मर्कूस 6:5

येशूजी खीए नाँसर को-कोइ नबै म्‍हिमैंए फिर ह्रोंसए यो थेंसि चमैं सल् लमिंबै के बाहेक अरू औदिबै केमैं तोइ लल् आखाँल। तलेबिस्‍याँ चमैंइ बिश्‍वास आल।

मर्कूस 8:25

छबिमा येशूजी धबै च म्‍हिए मिर छुइमा च म्‍हिइ ङ्‌ह्‍योइ,धै छेनाले म्रोंल् खाँब् तइ।

लूका 13:12

येशूजी च च्हमिरि म्रोंइ, धै हुइसि बिइ। “ओ नानि, क्‍हिलाइ ठाड् तल् आपिंबै सै त्होंयाँइ, तारे क्हि ठाड् तल् खाँम्।”

लूका 18:43

येशूजी छ बिबै तोदोंन् चए मि म्रोंयाँइ। झाइले च सैं तोंदै परमेश्‍वरए मिं क्वेदै येशूए लिलि प्रयाइ। छतब् म्रोंसि ताँन् म्हिमैंज्यै या परमेश्‍वरए मिं क्वेबर होंइ।

लूका 4:40

त्‍हिंयाँ लिबि छेमा च जरेबै ल्हें खालर्बै नब्‍मैं म्हिमैंइ येशू ङाँर पखइ। धै खीजी घ्रि-घ्रिए फिर ह्रोंसए यो थेंसि चमैं ताँन् सल् लमिंइ।

चेला चिब्मैंए केमैं 9:17

छबिमा हननिया ह्‍यासि शाऊल टिबै धिं न्होंर होंइ। धै चए फिर यो थेंसि बिइ, “ओ अलि शाऊल, क्हि खरिबै घ्याँर क्हि ङाँर म्रोंयुबै येशूजीन् क्हिए मि म्रोंरिगे धै पबित्र प्ल्हजी प्लिंरिगे बिसि ङ कुल्मिंब् ग।”