लूका 13:11 - परमेश्‍वरए ताँ तमु क्युइर

¹¹ चर मोंइ स्‍यासि नबै च्हमिरि घ्रि मुँल। च मोंइ स्यासि नब च्युसे प्रेदिं तयाल। च क्वार्ग तयल, ठाड्ले प्रल् आखाँमल।

लूका 13:11 ပူးပေါင်းရင်းမြစ်များ

भजनमैं 145:14

क्हुरियाब्मैं ताँनलाइ याहवेहजी ल्होमिंम्; आगुइ प्लेथेंब्मैं ताँनलाइ खीजी रेमिंम्।

भजनमैं 146:8

याहवेहजी मि आम्रोंब्मैंए मि थोंमिंम्। ल्हिबै ति नोसि ओलै आखाँब्मैंलाइ याहवेहजी रेमिंम्, याहवेहजी ठिक के लब्मैं म्हाँया लम्।

भजनमैं 38:6

ङ कुरयासि त्हुलर्न क्हुरयाल् खाँइमुँ, छतसि शोकइ लमा ङ त्हिंतिमिंन् क्रो प्ररिल् त्हुइमुँ।

भजनमैं 42:5

ओ ङए सो, क्हि तले आतोंल? धै ङए खों न्होंर क्हि तले च्हतर्लै आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

भजनमैं 6:2

ओ याहवेह, ङने भों तिफुँइ आरे, छतसि ङए फिर ल्हयो खमिंन्; ओ याहवेह, ङए ह्रिबमैं नइमुँ, छतसि ङ सल् लमिंन्।

मत्ती 4:23

येशू गालील ह्‍युल तिगोंन् स्‍युरदै चमैंए च्हों धिंजरेबै म्हिमैंने परमेश्‍वरए ताँमैं लोमिंदै स्‍वर्गर्बै ग्याल्सए बारेर सैं तोंबै ताँमैं बिप्रमल। धै ताँन् खालर्बै नब् छब्मैं नेरो मोंइ स्याबै म्‍हिमैं या सल् लमिंमल।

मर्कूस 9:21

येशूजी चए आबाने “खोंयोंसेरो चु कोलो छ तब् जा?” बिसि ङ्योएमा चइ बिइ, “च्‍युगुथिरि कोलो ओंनों ग।

लूका 13:12

येशूजी च च्हमिरि म्रोंइ, धै हुइसि बिइ। “ओ नानि, क्‍हिलाइ ठाड् तल् आपिंबै सै त्होंयाँइ, तारे क्हि ठाड् तल् खाँम्।”

लूका 13:16

चु अब्राहामए कुलर्बै च्हमि च्युसे प्रेदिं समा दुष्‍टइ फैथेंबै फैंसों प्रिबै त्हिंइर प्ल्हमिंल् त्हुब् आङिं वा?

लूका 21:28

छाबै ताँ तबर होंमा क्‍हेमैं रेसि क्र कैंडु लद्। तलेबिस्याँ च त्‍हेर्न क्‍हेमैं जोगेमिंबै त्‍हे चेंदो तब्‍मुँ।”

लूका 8:2

अरू ल्हें च्हमिरिमैं या खीने बालु मुँल। च च्हमिरिमैं मोंइ स्‍यासि सब्मैं नेरो अरू नब् छबउँइँले सब्मैं मुँल। चमैं न्होंरि मरियम बिबै मग्‍दालाथेंस्‍यो मुँल। चउँइँले येशूजी मों ङिउँलो ल्‍हाल।

लूका 8:27

झाइले येशू डुँङ्गाउँइँले पखर त्‍होंमा मोंइ स्‍याबै नाँसर्बै म्‍हि घ्रि येशूने त्‍होइ। च म्‍हिइ ल्हें ओंसों ओंनोंन् क्‍वें आखिमल धै धिंरै या आटिमल छगोंजरे टिमल।

लूका 8:43

च हुल न्‍होंरि च्युसे ङ्हिंदिं समा को त्हबै बेथाइ दुःख योंबै च्हमिरि घ्रि मुँल। चइ खीए बेथा सबर ल्‍हें म्‍हिमैंने ङ्‍ह्‍योब्-लिब् लसि ह्रोंसने मुँबै ताँन् मुइ खर्ज लल् खाँल। दिलेया खाबज्यै या सल् लल् आखाँल।

चेला चिब्मैंए केमैं 3:2

च त्हेर म्हिमैंइ फिब् ओंनोंबै डुँड् तबै म्हि घ्रिलाइ नोसि पखमल। मन्दिर न्होंर खब्मैंने भिक् ह्रिरिगे बिसि म्हिमैंइ च म्हि त्हिंइ ह्रोंसे मन्दिरर्बै “छ्याँबै मिं” बिबै म्रार पखसि थेंमिंब्रें लमल।

चेला चिब्मैंए केमैं 4:22

च अचम्माले सबै म्हि प्लिच्यु बर्ष क्हो-क्होबै मुँल।