लूका 12:5 - परमेश्‍वरए ताँ तमु क्युइर

⁵ दिलेया खाब् म्रोंसि ङ्हिंल् त्‍हुम् बिस्याँ ङ क्‍हेमैंने बिमुँ, क्‍हेमैं परमेश्‍वर म्रोंसि ङ्हिंनु, तलेबिस्याँ म्हि सैवासि नर्गर भ्‍योंवाबै शक्‍ति खीने मुँ।

लूका 12:5 ပူးပေါင်းရင်းမြစ်များ

भजनमैं 9:17

दुष्‍ट म्हिमैं नेरो परमेश्‍वर म्‍लेयाबै ताँन् ह्रेंमैं सिसि ह्‍याबै क्रोंर फेनेम्।

हितोपदेश 14:26

याहवेहने ङ्हिंबै म्हिइ रक्षा योंम्, धै चए प्हसेमैंए ल्हागिर खी लोबै क्ल्ह्‍यो तब्मुँ।

मत्ती 10:28

“क्‍हिए ज्यु सैल् खाँब्‍मैंने आङ्हिंन्, तलेबिस्याँ चमैंइ क्‍हिए प्‍ल्‍ह सैल् आखाँ। बरु प्‍ल्‍ह नेरो ज्यु ङ्हिंन-ङ्हिंन् नर्गर भ्‍योंवासि नास लल् खाँबै परमेश्‍वर म्रोंसि ङ्हिंन्।

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 25:46

“छतसि चुमैंइ खोंयोंइ आखाँबै दण्‍ड योंब्‍मुँ, दिलेया ठिक के लब्मैंइ बिस्याँ खोंयोंइ आखाँबै छ्ह योंब्‍मुँ।”

मत्ती 5:22

दिलेया ङ क्‍हेमैंने बिमुँ, ह्रोंसए अलिने ह्रिस खबै म्हिइ दण्‍ड योंम्, धै ह्रोंसए अलिने म्हि आच्हिल्‍ले पोंबै म्हिइ थेबै म्हि च्होंए उँइँर रामा ज्वाफ पिंल् त्हुम्। छलेन ह्रोंसए अलिने ‘क्‍हि आमादु’ ग बिबै म्हि नर्गर्बै मिर फेल् त्हुब्मुँ।

मर्कूस 13:23

छतसि क्‍हेमैं न्हक्रों मिक्रोंले टिद्। प्‍हँना लिउँइँ तबै तोन्दोंरि ताँमैं ङइ ओंसोंन् क्‍हेमैंने बिमिंइमुँ।

१ थेसलोनिकी 4:6

झाइले क्हेमैं खाबज्‍यै या ह्रोंसए बिश्‍वासी अलिए प्‍ह्रेंस्‍योने प्रसि आछ्याँब आलद्। तलेबिस्याँ छाबै केमैं लस्याँ परमेश्‍वरजी सजैं पिंब्‍मुँ। ङिइ ओंसोंन् चुए बारेर छेनाले लोमिंल् खाँइमुँ।

हिब्रू 10:31

सोगों परमेश्‍वरए योर फेब ङ्हिंन् ङ्हाँबै ताँ ग।

२ पत्रुस 2:4

आछ्याँबै के लमा स्‍वर्गदूतलाज्यै या परमेश्‍वरजी ल्हयो आखल्‍ले निसाफ लबै त्हिंइ समा फैसि नर्गर्बै मिछु खबै क्ल्ह्‍योर भ्योंवाइ।

दर्शन 14:7

चइ थेबै कैले बिइ, “परमेश्‍वरने ङ्हिंन्, धै खीए मिं क्वेद्। तलेबिस्याँ खीजी म्‍हिमैंलाइ निसाफ लबै त्हे तखइमुँ। स्वर्ग, पृथ्‍बी, मा ङ्युँइ नेरो क्‍युए मुल्मैं बनेबै परमेश्‍वरलाइ पद्खु तसि फ्‍योद्।”

दर्शन 15:4

ओ प्रभु, क्‍हि म्रोंसि ताँन् म्‍हिमैं ङ्हिंल् त्‍हुम्, धै ताँन् म्हिमैंइ क्हिए मान लल् त्‍हुम्, तलेबिस्याँ क्‍हि मत्‍त्रे पबित्र परमेश्‍वर ग। ताँन् ह्रेंमैं क्‍हि ङाँर खसि क्हिलाइ फ्‍योब्‍मुँ, तलेबिस्याँ क्‍हिजी ठिक निसाफ लम् बिसि ताँनइ म्रोंल् खाँइमुँ।”

दर्शन 20:14

च लिउँइँ परमेश्‍वरजी काल नेरो क्रोंलाइ मि मुँबै होंल्दोंर भ्‍योंवाइ। च मि मुँबै होंल्दों प्ल्हइ दु:ख योंबै क्ल्ह्‍यो ग।