लूका 12:42 - परमेश्‍वरए ताँ तमु क्युइर

⁴² प्रभु येशूजी बिइ, “भर लल् खाँब नेरो बुद्धि मुँबै म्हि खाब् जा? धिं क्‍ल्‍हेइ ह्रोंसए धिंर्बै तोन्दोंरि सैए जिम्‍मा पिंसि ह्‍याबै लिउँइँ भर लल् खाँब नेरो बुद्धि मुँबै म्हिइ अरू केब्छैंमैंलाइ चब् थुँबै तौदु छेनाले लमिंम्।

लूका 12:42 ပူးပေါင်းရင်းမြစ်များ

प्रस्थान 36:4

छतसि पबित्र तम्बु छेनाले बनेल् ह्रब्मैं ह्रों-ह्रोंसए केमैं पिसि मोशा ङाँर ह्‍यासि बिइ,

हितोपदेश 12:8

ज्ञान बुद्धि ङ्ह्‍योसि म्हिमैंए बयन लम्, दिलेया आछ्याँबै सैं मुँबै म्हिलाइ बिस्याँ तो धोंइ आङ्हाँ।

हितोपदेश 15:23

छ्याँबै जवाफ पिंल् योंमा म्हि सैं तोंम्, धै ठिक त्हेर पोंबै ताँ कति छ्याँब तम्।

हितोपदेश 27:18

तोंबु धुँलाइ छेनाले ङ्‍ह्‍योबै म्हिइन चए रो चब्मुँ, छलेन ह्रोंसए क्ल्हेए सेवा लबै म्हिइन मान योंब्मुँ।

हितोपदेश 31:15

च म्हुँइँसर्न रेमुँ, धै ह्रोंसए परवाए ल्हागिर चब्-थुँब् लम्, धै केब्स्योमैंलाइ के ल्हैदिम्।

मत्ती 13:52

धबै येशूजी चमैंने बिइ, “छतसि स्वर्ग ग्याल्सर्बै ताँ योंबै ताँन् शास्‍त्रिमैं धिंर्बै क्‍ल्‍हे धोंन् तब् ग। च धिं क्‍ल्‍हेइ ह्रोंसए धनसारउँइँले छारा नेरो स्योब सैमैं बैरु तेल् खाँम्।”

मत्ती 20:8

“झाइले ङेसा तमा क्‍ल्‍हेइ के लब्मैंए चिबने बिइ, ‘म्रोंमैं हुइसि नों सै पिंन् धाँसे लिलि खब्‍मैंलाइ ताँन् भन्दा ओंसों पिंनु, धाँसे ओंसों खब्‍मैंलाइ ताँन् भन्दा लिलि पिंन्।’

लूका 12:43

धिं क्‍ल्‍हे एखमा ह्रोंसजी ल्‍हैदिबै के केब्छैंइ छेनाले लरिब स्‍याइबिस्‍याँ च केब्छैंइ स्याबासि योंब्‍मुँ!

लूका 7:13

च कोलोए आमा म्रोंसि येशूए सैंर बेल्‍ले ल्‍हयो खसि चने “आक्रोद्,” बिइ।

लूका 7:19

चु ताँ थेसि यूहन्‍नाइ ह्रोंसए चेलामैं न्होंर्बै म्हि ङ्हिं प्रभु येशू ङाँर चु ताँ ङ्योएबर कुलइ, “युल् त्हुबै म्रुँ ख्रीष्‍ट क्‍हिन् उ? ङिइ अर्को म्‍हिए घ्याँ ङ्‍ह्‍योल् त्‍हुब् जा?”

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

१ तिमोथी 3:15

खनिज्यै ङ खब क्हैयाइ बिस्याँ परमेश्‍वरए प्हसेमैंए बानि ब्योर खैब तल् त्‍हुम् बिसि क्हिइ छेनाले सेल् त्हुम्। परमेश्‍वरए प्हसेमैं खोंयोंन् बिलै सोगों तबै परमेश्‍वरए मण्‍डलि ग, धै क्ह्रोंसेंन्बै मुल त्हो नेरो जग ग।

१ तिमोथी 5:17

बिश्‍वासीमैं छेनाले ल्होमिंबै एल्डरमैं, खासगरि परमेश्‍वरए ताँ बिमिंसि लोमिंबर भों लब्मैंइ दुःख सैदि डबल योंल् त्हुम्।

२ तिमोथी 4:2

प्रभुउँइँले खबै सैं तोंबै ताँ म्हिमैंने बिप्रद्। खैतबै त्हर्न बिलैया प्रभुउँइँले खबै सैं तोंबै ताँमैं बिब्रें लद्। म्हिमैंलाइ अर्थि बुद्धि पिंन्। चमैंए सैं क्होबै ताँमैं लद्। आतबै ताँमैंर हौदिद् धै म्हिमैंलाइ छेनाले लोदा सैंदा लद्।

तीतस 1:7

तलेबिस्याँ परमेश्‍वरए के लल् त्हुबै म्‍हि तबइले च छ्याब् आरेब तल् त्‍हुम्। च सैं सारो नेरो युनन् ह्रिस खब, प्हा थुँब, प्‍होंगि मिब, मारा-मुइए लोब लल् आत।

हिब्रू 13:17

क्‍हेमैंए अगुवामैंइ बिब ङिंन्, धै खेंमैंए न्होंर टिद्। तलेबिस्याँ “ङइ लबै केए हिसाब परमेश्‍वरलाइ पिंल् त्‍हुम्” बिब सेसि चमैंइ क्‍हेमैंए छैं छेनाले लरिम्। छतसि चु के चमैंइ सैं तोंन्ले लरिगे, गार म्हाँदिसि आङिं। चमैंइ गार म्हाँदिल्‍ले के लस्याँ क्‍हेमैंला तोइ बिब् धों तरिब् आरे।

हिब्रू 13:7

ओंसों क्‍हेमैंने परमेश्‍वरए ताँ बिमिंबै अगुवामैं मैंन्। चमैंइ खैले छ्ह थोइ, चमैंए छ्हर तो-तो तइ धै चमैं खैले सिइ बिसि सैंर मैंन्, धै चमैंइ लब् धोंबै बिश्‍वास क्‍हेमैंज्यै या लद्।

हिब्रू 3:5

लिउँइँ तखबै ताँए ग्वाइ पिंबै ल्हागिर परमेश्‍वरए म्हिमैंए न्होंर मोशा ताँन् भन्दा भर लल् खाँबै केब्छैं मुँल।

१ पत्रुस 4:10

परमेश्‍वरए दयाम्हाँयाइ क्हेमैंइ तो-तो बरदान योंइमुँ, च बरदान घ्रिइ घ्रिए ल्हागिर ओलेद्।