लूका 12:32 - परमेश्‍वरए ताँ तमु क्युइर

³² ओ ङए च्‍युगुथिरि बगाल, आङ्हिंन्। तलेबिस्याँ क्हेमैंए परमेश्‍वर आबाजी ह्रोंसए ग्याल्स क्हेमैंलाइ पिंबर सैं तोंइमुँ।

लूका 12:32 ပူးပေါင်းရင်းမြစ်များ

मत्ती 14:27

दिलेया च तोदोंन् येशूजी चमैंने “आङ्हिंन्, ङन् ग! सैं भोंब् लद्,” बिइ।

मत्ती 20:16

“छलेन लिलिबै ओंसों तब्मुँ धै ओंसोंबै लिलि तब्‍मुँ।”

मत्ती 25:34

झाइले म्रुँजी ह्रोंसए क्‍योलो हारबै म्‍हिमैंने ‘खो, ङए आबाउँइँले आशिक योंबै म्‍हिमैं, ह्‍युल बनेब् ओंनोंन् क्‍हेमैंए ल्हागिर बनेथेंबै ग्याल्सर क्ल्हे लबर खो,’ बिब्मुँ।

मत्ती 7:15

“झाइले परमेश्‍वरए ताँमैं स्योर ताँ पोंब्मैंउँइँले न्हक्रों मि क्रोंले टिद्। चमैं क्‍हेमैंए उँइँर क्‍यु धोंले खमुँ, दिलेया सैं न्‍होंनों बिस्‍याँ बनर्बै ङ्हिंन् ङ्हाँबै प्‍याँगु धों तम्।

लूका 10:21

च त्‍हेर्न येशू परमेश्‍वरए पबित्र प्ल्हजी प्लिंसि सैं तोंदै बिइ, “ओ आबा, स्वर्ग नेरो पृथ्‍बीर्बै क्‍ल्‍हे क्हिन् ग, ज्ञान मुँब्‍मैं नेरो ह्रब्-सेब्मैंउँइँले लोथेंबै छ्याँबै ताँ कोलोमैं धों तबै तोइ आह्र आसेब्मैंलाइ क्‍हिइ क्होमिंइमुँ। ओ आबा, क्‍हिजी छान् लब छ्याँब ङ्हाँइ। छतसि ङ क्हिलाइ धन्यबाद पिंमुँ।

यूहन्‍ना 18:36

येशूजी बिइ, “ङए ग्याल्स चु ह्‍युलर्बै आङिं। ङए ग्याल्स चु ह्‍युलर्बै ङिंस्याँम् ङ येहूदिमैंए योर आफेरिगे बिसि ङए चेलामैं ङए ल्हागिर नेमल। धै ङ यहूदीमैंए योर आफेमल। दिलेया ङए ग्याल्स चु ह्‍युलर्बै आङिं।”

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

चेला चिब्मैंए केमैं 20:29

ङ ह्‍याबै लिउँइँ ङ्हिंन् ङ्हाँबै प्याउँमैं धों तबै म्हिमैं क्‍हेमैंए म्‍हाँजोरि खसि बिश्‍वासीमैंलाइ ल्हें दुःख पिंब्‍मु।

रोमी 6:23

तलेबिस्याँ पाप लब्मैंइ योंबै नों सिब ग! दिलेया परमेश्‍वरजी छलेन् पिंबै दान ङ्योए प्रभु येशू ख्रीष्‍टउँइँले खोंयोंइ आखाँबै छ्ह योंब् ग।

१ कोरिन्थी 1:21

तलेबिस्याँ परमेश्‍वरए बुद्धिउँइँलेन् म्‍हिमैंइ ह्रोंसने बुद्धि मुँब् धों ङ्हाँलेया चमैंइ खेंमैंए “बुद्धिउँइँले” खीलाइ ङो सेल् आखाँ। छतसि ङ्योइ बिप्रबै सैं तोंबै ताँउँइँलेन् खीजी ह्रोंसए फिर बिश्‍वास लब्‍मैंलाइ जोगेबै चाँजो लइ।

फिलिप्पी 2:13

तलेबिस्याँ परमेश्‍वरजी क्‍हेमैं खीए सैंर मैंब् धोंले प्ररिगे धै खीए के लरिगे बिसि खीजी क्हेमैंए न्‍होंर खोंयोंइन के लरिम्।

२ थेसलोनिकी 1:11

छतसि ङ्योए परमेश्‍वरजी क्‍हेमैंलाइ खैबै छ्ह थोबर त्‍हाँइमुँ छाबन् छ्ह थोल् खाँब लमिंरिगे, झाइले क्‍हेमैं ताँनइ छ्याँबै सैंइ बिश्‍वास लसि लल् त्हुबै केमैं खीए शक्‍तिउँइँले छेनाले लल् खाँरिगे बिसि ङिइ क्हेमैंए ल्हागिर खोंयोंइन बिलै प्राथना लरिइमुँ।

२ थेसलोनिकी 1:5

चु ताँन् सै परमेश्‍वरजी लबै निसाफ ठिक मुँ बिबै साक्षि ग। च निसाफउँइँले क्‍हेमैं परमेश्‍वरए ग्याल्सर होंबर लायकर्बै तल् खाँम्, तलेबिस्याँ चए ल्हागिर्न क्हेमैंइ दुःख योंरिइमुँ।

हिब्रू 12:28

छतसि ङ्योइ लाल् आखाँबै ग्याल्स योंबइले परमेश्‍वरलाइ धन्‍यबाद पिंले, धै खीए मान लदै खीने ङ्हिंदै खीजी खोल्‍ले खीए मिं क्वेले।

याकूब 2:5

ओ ङए खोबै अलि-अङाँमैं, ङए ताँ थेद्, परमेश्‍वरजी चु ह्‍युलर्बै ङ्हाँदुमैंलाइ खीए फिर्बै बिश्‍वासर भोंब् लमिंसि स्वर्ग ग्याल्सर्बै हगवालमैं तबर त्हाँब, आङिं वा? खीलाइ म्हाँया लब्‍मैंने चु ग्याल्स पिंम् बिसि खीजी बाछा फैब, आङिं वा?

२ पत्रुस 1:11

धै ङ्योलाइ जोगेमिंबै ङ्योए प्रभु येशू ख्रीष्‍टए खोंयोंन् बिलै तरिबै ग्याल्सर परमेश्‍वरजी ङ्योलाइ थेबै मान्ले होंल् पिंब्मुँ।

दर्शन 1:6

खीए परमेश्‍वर आबाए सेवा लरिगे बिसि येशूजी ङ्योलाइ परमेश्‍वरए मिंर ख्रो पिंबै खेगिमैं लमिंइमुँ। येशू ख्रीष्‍टए मिं खोंयोंन् बिलै थेब् तरिगे। आमेन, छान् तरिगे।

दर्शन 22:5

च सहरर खोंयोंइ या म्‍हुँइँस तरिब् आरे। छतसि चमैंलाइ बत्ति नेरो त्‍हिंयाँ चैदिरिब आरे, तलेबिस्याँ याहवेह परमेश्‍वरए ह्‍वेजीन् चमैंए मि म्रोंल् लमिंब्मुँ। धै म्रुँइ लब् धोंले चमैंइ खोंयोंइ या ग्याल्स लब्‍मुँ!