लूका 12:28 - परमेश्‍वरए ताँ तमु क्युइर

²⁸ चु टमैं तिंयाँ प्‍हारसि प्‍हँन्हाँग कारयासि म्हिमैंइ मिर ख्रोंवाम्। छ तनाबिलेया परमेश्‍वरजी च्‍हौ छेन्‍ले पैरेमिंइमुँ बिस्याँ झन् क्‍हेमैंलाइमि बेल्‍ले छेनाले पैरेमिंब्मुँ।

लूका 12:28 ပူးပေါင်းရင်းမြစ်များ

मत्ती 14:31

चइ कै तेबै तोदोंन् येशूजी चए योर क्‍हासि “ओ बिश्‍वास आरेबै म्हि, तले संका लल?” बिइ।

मत्ती 16:8

चमैंइ तो ताँ लसिन् मुँ बिब येशूजी सेसि चमैंने बिइ, “ओ, ङए फिर च्‍युगुदे या बिश्‍वास आलब्मैं! क्‍हेमैंने क्‍हें आरे बिसि तले ह्रों-ह्रोंसन् ताँ लरिल?

मत्ती 17:17

येशूजी खीए चेलामैंने बिइ, “क्हेमैंम् कति बिश्‍वास आरेबै आच्योबै म्‍हिमैं मुँन! ङ खोंयों समा क्‍हेमैंने टिल् त्‍हुम्? ङइ खोंयों समा क्हेमैंलाइ सैदिरिब् जा? खोइ च कोलो चुर ङ ङाँर पउ।”

मत्ती 17:20

खीजी चमैंने “क्‍हेमैंइ परमेश्‍वरए फिर छेनाले बिश्‍वास आलइरि ग। ङ क्ह्रोंसेंन क्हेमैंने बिमुँ, क्‍हेमैंने पासगिए फुँ द प्रि बिश्‍वास मुँस्‍याँ चु कों ‘क्‍याइ स्‍योह्‍याद्’ बिलेया च स्‍योह्‍याम्। धै क्‍हेमैंइ लल् आखाँबै सै तोइ तरिब् आरे।”

मत्ती 6:30

तिरो ङ्हिरोदे प्‍हारबै ट या परमेश्‍वरजी छले पैरिदिमिंम् बिस्याँ ओ बिश्‍वास आरेबै म्हिमैं, खीजी झन् क्‍हेमैंलाइ चमैं भन्दा ल्हें आपैरिदिमिं रो वा?

मत्ती 8:26

येशूजी चमैंने बिइ, “ओ बिश्‍वास आरेबै म्हिमैं, क्हेमैं तले छले ङ्हिंल?” च्‍हौ बिसि खी रेसि खैं नेरो मा ङ्युँइर्बै भेल्‍गालाइ हौदिमा नाँ खैं च्याँ त‍याइ।

लूका 8:25

झाइले येशूजी खीए चेलामैंने बिइ, “क्‍हेमैंए बिश्‍वास खनि ह्‍याइ?” चमैं ङ्हिंसि प्लेटोयाइ धै खें-खेंमैं न्होंर “चु म्हि खाब् मुँगे? नाँ खैं नेरो क्युए भेल्गालाज्यै या खीजी च्याँ तयाद् बिमा चमैंज्यै या खीजी बिब ङिंब!” बिबर होंइ।

हिब्रू 6:7

नमुना बिले: नाँइ स क्योमिंमा सइ खेति लब्मैंलाइ चैदिबै रा-रोमैं पिंम्, धै परमेश्‍वरजी च सलाइ आशिक पिंम्।

१ पत्रुस 1:24

तलेबिस्याँ छ्वेर छले प्ह्रिइमुँ, “ताँन् म्‍हिमैं छि धों तब् ग, म्‍हिए ज्यु कति छ्याँब मुँलेया ट धों तब् ग। छि ङ्योंलोयाम् धै टै या खारयाम्।