लूका 12:11 - परमेश्‍वरए ताँ तमु क्युइर

¹¹ “झाइले म्हिमैंइ क्‍हेमैंलाइ च्हों धिंर्बै चिब्मैं नेरो क्रथेमैं ङाँर क्हाबोमा ‘ङइ तो पोंब् ङ्‍हे? ङइ तो बिल् त्‍हुब् ङ्‍हे?’ बिसि न्हुँ आलद्।

लूका 12:11 ပူးပေါင်းရင်းမြစ်များ

प्रस्थान 4:12

छतसि ह्‍याद्! क्हि पोंबर ङइ ल्होमिंब्मुँ, क्हिइ तो तो पोंल् त्हुम् चै या ङइ लोमिंब्मुँ।”

मत्ती 23:34

छतसि ङइ क्‍हेमैं ङाँर अगमबक्‍तामैं, बुद्धि मुँबै म्‍हिमैं नेरो छ्वेर्बै ताँ लोमिंब्मैं कुल्‍मिंब्मुँ। चमैंए न्होंरि कोइ क्हेमैंइ सैवाब्‍मुँ, कोइ क्रूसर च्‍योवासि सैवाब्‍मुँ, कोइ क्हेमैंए च्हों धिंजरे बोसि कोर्राइ प्रुब्मुँ, धै सहर-सहरजरे ‍ह्रुगुदिब्मुँ।

मत्ती 6:25

“छतसि ङ क्‍हेमैंने बिमुँ, ‘सोबै ल्हागिर ङि तो चब, तो थुँब, तो खिब?’ बिसि न्हुँ आलद्। चबै सै भन्दा जीवन थेब आङिं वा? धै क्वें भन्दा ज्यु थेब आङिं वा?

मत्ती 6:27

क्‍हेमैंए न्होंरि खाबइ न्हुँ लसि ह्रोंसए छ्ह च्‍हौदे या ह्रिंग्यो लल् खाँम्‍मा?

मत्ती 6:28

“झाइले तो खिब् ङ्‍हे बिसि क्‍हेमैं तले न्हुँ लमुँ? बारिर्बै टमैं ङ्‌ह्‍योत्ति! चमैं खैले फारम्। चमैंइ के आल, क्‍वें या आरो।

मत्ती 6:31

छतसि तो चब? तो थुँब? तो खिब? बिसि न्हुँ आलद्।

मत्ती 6:34

छतसि प्हँन्हाँबै ल्हागिर न्हुँ आलद्, तलेबिस्याँ प्हँन्हाँबै न्हुँ प्हँन्हाँबै त्हिंइन लम्। तिंयाँबै दुःख तिंयाँबै ल्हागिर योम्।”

लूका 12:22

येशूजी ह्रोंसए चेलामैंने बिइ, “छतसि ङ क्‍हेमैंने बिमुँ, सोबै ल्हागिर ‘ङ तो चब् ङ्‍हे? तो थुँब् ङ्‍हे? धै ज्युए ल्हागिर तो खिब् ङ्‍हे?’ बिसि न्हुँ आलद्।