लूका 11:54 - परमेश्‍वरए ताँ तमु क्युइर

⁵⁴ “येशूजी ताँ पोंमा खनिज्यै गल्‍ति स्यासि ताँ क्हाल् योंम् उ?” बिसि चमैंइ दाउ ङ्‍ह्‍योबर होंइ।

लूका 11:54 ပူးပေါင်းရင်းမြစ်များ

मत्ती 22:15

चु ताँ थेसि फरिसीमैंइ येशूजी पोंबै ताँउँइँलेन् खीलाइ खैले ङोर फेल् लब् ङ्‍हे बिसि मत लइ।

मत्ती 22:18

दिलेया येशूजी चमैंए सैंर्बै आछ्याँबै ताँ सेसि चमैंने बिइ, “ओ फिब्लो पार्दिब्मैं, क्‍हेमैंइ तले ङए जाँच लल् म्‍हैल?

मत्ती 22:35

चमैं न्‍होंर्बै परमेश्‍वरए छ्वेर्बै ताँ लोमिंबै म्हि घ्रिइ खीए जाँच लबै सैंले खीने ङ्योएइ,

मर्कूस 12:13

च लिउँइँ येशूलाइ ताँ क्‍हासि फसेद् बिसि चिबनाँब्मैंइ फरिसीमैं नेरो हेरोदिमैं न्होंर्बै को-कोइ येशू ङाँर कुलइ।

मर्कूस 3:2

“के लल् आतबै प्रिबै त्हिंइरै येशूजी च म्‍हि सल् लमिंम् उ?” बिसि छ्याब् ल्‍हैदिबै सैंले को-कोइ म्हिमैं येशूए छैं लरिल।

लूका 11:53

येशू च धिंउँइँले त्‍होंबै लिउँइँ शास्‍त्रिमैं नेरो फरिसीमैंइ खीए बिरोध लदै खीने ल्‍हें ताँमैं ङ्योएबर होंइ।

लूका 20:20

येशूजी बिबै ताँमैंउँइँले खीलाइ फसेदिसि रोमी क्रथेए योर पिंवाबै दाउ चमैंइ ङ्‍ह्‍योरिल। छतसि छ्याँबै के लब्मैं धों ब्योंबै म्‍हिमैं छैं लबर चमैंइ येशू ङाँर कुलइ।

लूका 20:26

छबिमा म्‍हिमैंए उँइँर चमैंइ येशूए ताँ क्हाबै क्ल्ह्‍यो आयों। बरु येशूजी बिबै ताँ थेसि चमैं प्लेटोयासि तोइ आबिल्‍ले टिइ।

चेला चिब्मैंए केमैं 23:21

दिलेया क्हिइ चमैंए ताँ आङिंन्, तलेबिस्याँ चमैं न्होंर म्हि प्लिच्यु भन्दा ल्हेइ ‘च आसैन् समा ङि तोइ आच तोइ आथुँ!’ बिबै कसम चसि च सैबर क्ह्‍वेइ टिइमुँ। चमैंइ क्हिइ तो बिब् ङ्‍हे बिसि ह्रेरिइमुँ।”