लूका 11:53 - परमेश्‍वरए ताँ तमु क्युइर

⁵³ येशू च धिंउँइँले त्‍होंबै लिउँइँ शास्‍त्रिमैं नेरो फरिसीमैंइ खीए बिरोध लदै खीने ल्‍हें ताँमैं ङ्योएबर होंइ।

लूका 11:53 ပူးပေါင်းရင်းမြစ်များ

लूका 11:52

“क्‍हेमैं शास्‍त्रिमैं धिक्‍कार क्हेमैं क्रोल् त्‍हुम्! क्‍हेमैंइ क्‍ह्रोसेंन्‍बै ज्ञान बुद्धि योंबै म्राए साँजु किंबम् किंइ, दिलेया क्‍हेमैं ह्रोंसै या न्होंर आहों, होंल् म्‍हैब्मैंलाज्यै या क्‍हेमैंइ होंल् आपिं।”

लूका 11:54

“येशूजी ताँ पोंमा खनिज्यै गल्‍ति स्यासि ताँ क्हाल् योंम् उ?” बिसि चमैंइ दाउ ङ्‍ह्‍योबर होंइ।

लूका 20:20

येशूजी बिबै ताँमैंउँइँले खीलाइ फसेदिसि रोमी क्रथेए योर पिंवाबै दाउ चमैंइ ङ्‍ह्‍योरिल। छतसि छ्याँबै के लब्मैं धों ब्योंबै म्‍हिमैं छैं लबर चमैंइ येशू ङाँर कुलइ।

लूका 20:27

च लिउँइँ धबै को-कोइ सदुकी टोलिर्बै यहूदीमैं येशू ङाँर खइ। चमैंइ “सिबै लिउँइँ म्‍हि धबै सोगों आत,” बिमल। छतसि चमैंइ येशूने ङ्योएइ,

चेला चिब्मैंए केमैं 26:9

“ओंसों ङज्यै या नासरतर्बै येशूए मिंर खाँन् समा या बिरोध लल् त्हुम् बिसि मैंमल।

१ कोरिन्थी 13:5

म्हाँया लबै म्हिइ सैं सारो आल, ह्रोंसए फायदा मत्‍त्रे आम्है, ह्रिसै आख, धै आगुइ ह्रोंसलाइ न्होह्रों ललेया चए खी आफो।

२ कोरिन्थी 8:6

छतसि चु भेटि रेबै केर तीतसइ क्हेमैंलाइ ल्होरिगे धै क्हेमैंज्यै च छ्याँबै के पूरा लल् खाँरिगे बिसि ङइ चने यो छ्युँ लइमुँ। तलेबिस्याँ ओंसों ओंनोंन् तीतसइ छाबै के लसेन्मुँ।