लूका 11:45 - परमेश्‍वरए ताँ तमु क्युइर

⁴⁵ शास्‍त्रिमैंए न्होंर्बै घ्रिइ येशूने बिइ, “ओ गुरु, क्हिइमि छाबै ताँमैं बिसि ङिए आब्रु वाइ।”

लूका 11:45 ပူးပေါင်းရင်းမြစ်များ

मत्ती 22:35

चमैं न्‍होंर्बै परमेश्‍वरए छ्वेर्बै ताँ लोमिंबै म्हि घ्रिइ खीए जाँच लबै सैंले खीने ङ्योएइ,

लूका 11:46

येशूजी बिइ, “क्हेमैं शास्‍त्रिमैंलाज्यै या धिक्‍कार मुँ! सैं क्रोल् त्‍हुम्! म्हिमैंइ नोल् आखाँबै ते क्‍हेमैंइ नोद् बिमुँ, दिलेया क्हेमैं बिस्याँ यो च्याफै टिरिम्।

लूका 11:52

“क्‍हेमैं शास्‍त्रिमैं धिक्‍कार क्हेमैं क्रोल् त्‍हुम्! क्‍हेमैंइ क्‍ह्रोसेंन्‍बै ज्ञान बुद्धि योंबै म्राए साँजु किंबम् किंइ, दिलेया क्‍हेमैं ह्रोंसै या न्होंर आहों, होंल् म्‍हैब्मैंलाज्यै या क्‍हेमैंइ होंल् आपिं।”

लूका 7:30

दिलेया फरिसीमैं नेरो परमेश्‍वरए छ्वे लोमिंब्मैंइ बिस्याँ परमेश्‍वरजी ह्रोंस ङाँर खबै ल्हागिर बनेबै घ्याँ केर आफेब् ङ्हाँसि यूहन्‍नाउँइँले क्युर प्लुँसि बप्‍तिस्मा आकिंल।

यूहन्‍ना 7:48

ङि चिबनाँब्मैं नेरो फरिसीमैंए न्होंर खाबज्‍यै चए ताँ क्वेंब क्‍हेमैंइ म्रोंइँमुँ वा?

यूहन्‍ना 7:7

चु ह्‍युलर्बै म्हिमैंइ क्‍हेमैंलाइ हेल् आल, दिलेया ङलाइमि हेल् लम्, तलेबिस्याँ चमैंइ लबै केमैं आछ्याँब मुँ बिसि ङइ बिमिंम्।

यूहन्‍ना 9:40

चु ताँ थेसि येशूए ङाँर मुँबै फरिसीमैंए न्होंर्बै को-कोइ खीने “ङि या कनमैं रो वा?” बिसि ङ्योएमा।