लूका 11:32 - परमेश्‍वरए ताँ तमु क्युइर

³² झाइले निसाफ लबै त्हिंइर निनबे बिबै सहरर्बै म्‍हिमैंइ तिंइजोरोबै म्‍हिमैंए फिर छ्याब् मुँबन् ठर्दिब्‍मुँ, तलेबिस्याँ योनाउँइँले परमेश्‍वरए ताँ थेसि निनबे बिबै सहरर्बै म्‍हिमैंइ ह्रों-ह्रोंसए आछ्याँबै के पिसि परमेश्‍वरउँइँ सैं एल। छतसि थेद्! योना भन्दा झन् थेबै म्‍हि चुर मुँ।”

लूका 11:32 ပူးပေါင်းရင်းမြစ်များ

योना 3:4

योनाइ तिगें दे दिन छ्युल्‍ले प्रसि च सहर न्होंर होंसि ताँ बिबर होंइ, “तारेबै प्लिच्यु त्हिं न्होंर निनवे सहर नास तब्मुँ!”

योना 3:5

झाइले च ताँ थेसि निनवे सहरर्बै म्हिमैंइ परमेश्‍वरजी बिबै ताँ क्वेंइ। धै चिब्मैइ ताँनलाइ बर्त टिबर ल्हैदिइ, धै कोलमैं-चिबमैं ताँनइ “ङिइ आछ्याँबै केमैं लइनमैं” बिसि नइए रेंगए क्वें खिइ।

योना 4:9

परमेश्‍वरजी योनाने बालु बिइ, “लौकाए धुँ सियामा क्हि च्हौ थेबै ह्रिस तले खल?” योनाइ बिइ, “ङ ह्रिस खब ठिक मुँ! ङ च्हौ ल्हें ह्रिस खइ ङ सिबर होंइ!”

मत्ती 12:39

खीजी चमैंने बिइ, “तिंजोरोबै दुष्‍ट म्‍हिमैं नेरो ब्यभिचार लब्मैंइ चिनु म्हैम्। दिलेया स्‍योंम्‍बै योना अगमबक्‍ताइ उँइँबै औदिबै के बाहेक चु पुस्ताने अरू चिनु उँइँरिब् आरे।

मत्ती 12:41

झाइले परमेश्‍वरजी निसाफ लबै त्हिंइर निनवेथेंमैंइ क्‍हेमैं छ्याब् ल्‍हैदिब्‍मुँ। तलेबिस्याँ चमैंइ योनाइ बिबै ताँ थेसि खेमैंए आछ्याँबै केमैंउँइँले सैं एइ, दिलेया क्‍हेमैंए म्‍हाँजोरि योना भन्दा या थेबै म्‍हि चुर मुँ!

लूका 11:31

झाइले निसाफ लबै त्हिंइर शेबा बिबै ह्‍युलर्बै म्रुँस्‍यो रासि तिंजोरोबै म्हिमैंलाइ छ्याब् ल्‍हैदिब्‍मुँ, तलेबिस्याँ स्‍योंम्‍बै इस्राएल ह्‍युलर्बै सोलोमन म्रुँए ज्ञानए ताँ थेबर ह्रेंगो ह्‍युलउँइँले च म्रुँस्‍यो खइ। दिलेया थेद्! सोलोमन म्रुँ भन्दा झन् थेबै म्‍हि तोगो चुर मुँ।

हिब्रू 7:26

ङ्योए ल्हागिर छाबै म्हि घ्रि ख्रो पिंबै खेगि क्रथे तल् त्हुम्, तलेबिस्याँ येशू पबित्र, छ्याब् आरेब नेरो तोइ पाप आरेब मुँ। छतसि परमेश्‍वरजी पापि म्‍हिमैंउँइँले स्यो लसि खीलाइ स्‍वर्ग भन्दा ताइ थेंमिंइमुँ।