लूका 11:31 - परमेश्‍वरए ताँ तमु क्युइर

³¹ झाइले निसाफ लबै त्हिंइर शेबा बिबै ह्‍युलर्बै म्रुँस्‍यो रासि तिंजोरोबै म्हिमैंलाइ छ्याब् ल्‍हैदिब्‍मुँ, तलेबिस्याँ स्‍योंम्‍बै इस्राएल ह्‍युलर्बै सोलोमन म्रुँए ज्ञानए ताँ थेबर ह्रेंगो ह्‍युलउँइँले च म्रुँस्‍यो खइ। दिलेया थेद्! सोलोमन म्रुँ भन्दा झन् थेबै म्‍हि तोगो चुर मुँ।

लूका 11:31 ပူးပေါင်းရင်းမြစ်များ

मत्ती 12:42

निसाफ लबै त्हिंइर ल्हुँर्बै (दक्षिणर्बै) म्रुँस्‍योइ क्‍हेमैंने छ्याब् ल्‍हैदिब्‍मुँ। तलेबिस्याँ च म्रुँस्‍यो सोलोमन म्रुँए बुद्धिए ताँ थेबर ह्रेंगोर्बै ह्‍युलउँइँले खइ। दिलेया सोलोमन म्रुँ भन्दा थेबै म्‍हि चुर मुँ!

लूका 3:22

झाइले परमेश्‍वरए पबित्र प्ल्ह तोंगुए क्‍होले येशूए फिर युसि टिइ। धै “क्‍हि ङए खोबै च्‍ह ग, क्‍हि म्रोंसि ङ बेल्‍ले सैं तोंइमुँ,” बिबै कै स्‍वर्गउँइँले युइ।

लूका 9:35

झाइले न्‍हाँम्‍स्यो न्‍होंउँइँले “चु ङइ त्हाँबै ङए च्‍ह ग। चइ बिबै ताँ छेनाले थेद्,” बिबै कै चमैंइ थेइ।

रोमी 2:27

छतसि अरू ह्रेंर्बै म्‍हिमैंइ ज्युर चिनु आललेया ठिम म्हाँदिइ बिस्याँ, क्हेमैं यहूदीमैंलाइ चमैंइन दोषि ठर्दिब्मुँ। तलेबिस्याँ प्ह्रिबै ठिम क्हेमैंने मुँलेया, क्हेमैंइ ज्युर चिनु ललेया क्हेमैंइ ठिम आम्हाँदि।

हिब्रू 11:7

बिश्‍वासउँइँलेन् नोआज्यै च त्हे समा आम्रोंबै केमैंए बारेर परमेश्‍वरउँइँले था सेइ। धै खीजी बिबै ताँ क्वेंसि ह्रोंसए परवा जोगेबर नोआइ क्‍यु झाज घ्रि बनेइ। धै “ह्‍युलर्बै म्‍हिमैंइ परमेश्‍वरजी बिबै ताँ आक्वेंइमुँ,” बिसि नोआइ चमैंलाइ छ्याब् मुँबन् ठर्दिइ, दिलेया ह्रोंसए बिश्‍वासउँइँले च ठिक ठर्दिइ।