लूका 11:29 - परमेश्‍वरए ताँ तमु क्युइर

²⁹ छले म्हिए हुल् ल्हें तदै ह्‍यामा येशूजी बिइ, “तिंजोरोबै म्‍हिमैं दुष्‍ट ग। चुमैंइ ङ परमेश्‍वरजी कुल्‍मिंबै म्हि ग बिस्याँ ङिने प्रमाण उँइँन् बिम्। दिलेया स्‍योंम्‍बै योना बिबै अगमबक्‍ताए छ्हर तब् धों तबै चिनु मत्‍त्रे चुमैंइ म्रोंल योंब्मुँ, अरू चिनु म्रोंल् योंरिब् आरे।

लूका 11:29 ပူးပေါင်းရင်းမြစ်များ

योना 1:1

याहवेहए ताँ अमित्तैए च्ह योना ङाँर युइ:

मत्ती 3:7

दिलेया फरिसीमैं नेरो सदुकीमैं न्होंर्बै ल्हें म्हि या खीने बप्‍तिस्‍मा किंबर खब् म्रोंसि यूहन्‍नइ चमैंने बिइ, “ओ प्‍हुरि धों तबै म्‍हिमैं, परमेश्‍वरए ह्रिसउँइँले स्योल् खाँम् बिसि खाबइ क्‍हेमैंने बिइ?

मर्कूस 8:38

छतसि खाबइ चु आछ्याँबै पापि जुगरि ङ नेरो ङए ताँ थेसि फापिमुँ, ङ म्हिए च्ह या ह्रोंसए आबाजी पिंबै मान नेरो पबित्र स्‍वर्गदूतमैंने बालु चु ह्‍युलए निसाफ लबर युमा च म्‍हि म्रोंसि ङै या फा पिब्‍मुँ।”

लूका 11:16

अरू म्हिमैंइ बिस्याँ “परमेश्‍वरजी क्‍हिलाइ शक्‍ति पिंब् ग बिस्याँ स्वर्गर्बै चिनु घ्रि उँइँन्,” बिसि येशूए जाँच लइ।

लूका 11:50

छतसि ह्‍युल केब् ओंनोंबै तिंयाँ समा अगमबक्‍तामैं सैवाबै पापए सजैं तिंजोरोबै म्हिमैंइ बेहोर्दिल् त्‍हुम्।

लूका 12:1

च त्हेर्न हजार हजार म्‍हिमैं चर खागु तइ। छले ल्हें म्‍हिमैं तमा म्हिइ म्‍हिन् प्लेबर होंइ। धै येशूजी ओंसों ह्रोंसए चेलामैंने बिइ, “फरिसीमैंए क्हेंर झोंबै प्लेढाउँइँले जोगेइ टिद्। चमैंल स्‍योलिबै ताँमैं लोमिंबै बानि मुँ। छतसि छेनाले ताँ क्होसि न्ह क्रों मि क्रोंले टिद्।

लूका 9:41

येशूजी चमैंने बिइ, “ओ बिश्‍वास आरेबै आच्योबै म्हिमैं, ङ खोंयों समा क्‍हेमैंने तरिमुँ, धै क्‍हेमैंलाइ कति सैदिल् त्‍हुब् जा? क्‍हिए च्‍ह चुर पउ।”

यूहन्‍ना 2:18

दिलेया यहूदी चिबनाँब्मैंइ खीने बिइ, “छले छों लब्मैंलाइ ल्हावाब क्हिने तो हग मुँ? हग मुँ बिस्याँ खैबै औदिबै चिनु उँइँमुँ?”

यूहन्‍ना 6:30

छबिमा चमैंइ येशूने बिइ, “क्हिए फिर बिश्‍वास लरिगे बिसि क्हिजी खैतबै चिनु ङिने उँइँमिंमुँ?

यूहन्‍ना 8:44

क्‍हेमैं ह्रोंसए आबा दुष्‍टल् ‍ग। छतसि क्‍हेमैंए आबाए सैंर मैंब् धोंले क्हेमैंइ लल् म्हैम्। चम् ओंसों ओंनोंन् सैब् म्‍लोब लमल। क्‍ह्रोंसेंन्‍बै ताँने चए ताँ खोंयोंन् बिलै क्ह्रिल् आखाँ। तलेबिस्याँ चने क्ह्रोंसेंन्बै ताँ तिफुँइ आरे। छतसि स्‍योर ताँ पोंम्, चए ब्योर खैतब् मुँ चइ छाबन् पोंम्, तलेबिस्याँ च स्‍योर्गु ग, च स्‍योर तेब्‍मैंए आबा ग।

१ कोरिन्थी 1:22

यहूदीमैंइ अचम्मबै चिनुमैं म्‍हैम्, ग्रिकमैंइ ज्ञान-बुद्धिए ताँमैं म्‍हैम्।