लूका 11:20 - परमेश्‍वरए ताँ तमु क्युइर

²⁰ दिलेया परमेश्‍वरए शक्‍तिउँइँले ङइ मोंमैं ल्‍हाम् बिस्याँ, परमेश्‍वरए ग्याल्स‍र्बै शक्‍ति क्‍हेमैंए म्‍हाँजोर तखइमुँ बिसि क्‍हेमैंइ सेल् त्‍हुम्।

लूका 11:20 ပူးပေါင်းရင်းမြစ်များ

प्रस्थान 8:19

छतमा जादु लब्मैंइ फारोने बिइ, “चु के परमेश्‍वरजीन् लब् ग।” छबिलेना याहवेहजी बिब् धोंलेन् फारोए सैं सारो तसि चमैंए ताँ आथे।

मत्ती 12:28

ङइ परमेश्‍वरए पबित्र प्ल्हए शक्‍तिउँइँले मों ल्‍हाब् ग बिस्याँ परमेश्‍वरए ग्याल्स क्‍हेमैंए ङाँर युल् खाँइमुँ।

मत्ती 3:2

“पाप लब् पिसि परमेश्‍वरउँइँ सैं एद्, तलेबिस्याँ स्‍वर्गर्बै ग्याल्स चेंदोन् खइमुँ।”

मत्ती 4:24

छले सिरिया ह्‍युल तिगोंन् येशूजी लबै औदिबै केमैंए बयन थेनेइ। छतमा म्‍हिमैंइ ननाओलिबै नब्‍मैं, मोंइ स्‍याब्‍मैं, र बेथाइ स्याब्‍मैं, स्याले बेथाइ स्याब्‍मैं ताँन् म्हिमैंइ खी ङाँर पखइ, धै खीजी चमैं ताँन् सल् लमिंमल।

लूका 10:11

‘क्‍हेमैं परमेश्‍वरए बिरोधी तइ। छतसि चु छ्याब् पिंबै प्रमाणए ल्हागिर ङिए प्‍हलेर ङ्हाँबै त्‍हुलै या ङिइ चुर्न खारथेंम्। दिलेया चु ताँ सैंर थेंन् परमेश्‍वरए ग्याल्स क्‍हेमैंए ङाँर्न फेखइमुँ,’ बिद्।

लूका 10:9

झाइले च नाँसर्बै नब्-छब्मैं सल् लद्, धै ‘परमेश्‍वरए ग्याल्स क्‍हेमैंए ङाँर्न फेखइमुँ’ बिसि चमैंने बिद्।

लूका 11:21

“झाइले अर्को ताँ थेद्! भोंबै म्‍हि घ्रिइ हत्‍यारमैं छेसि ह्रोंसए धिं रुँम् बिस्याँ चए सै न्होर खाबज्‍यै या बोल् आखाँ।

चेला चिब्मैंए केमैं 20:25

“क्हेमैंए म्हाँजोर ङइ परमेश्‍वरए ग्याल्सर्बै ताँ बिदै प्रइ, तारे क्हेमैंइ ङ धबै खोंयोंन् बिलै म्रोंरिब् आरे बिसि ङइ सेइमुँ।

२ थेसलोनिकी 1:5

चु ताँन् सै परमेश्‍वरजी लबै निसाफ ठिक मुँ बिबै साक्षि ग। च निसाफउँइँले क्‍हेमैं परमेश्‍वरए ग्याल्सर होंबर लायकर्बै तल् खाँम्, तलेबिस्याँ चए ल्हागिर्न क्हेमैंइ दुःख योंरिइमुँ।