लूका 11:19 - परमेश्‍वरए ताँ तमु क्युइर

¹⁹ बालजिबुलए शक्‍तिउँइँले ङइ मों ल्‍हाम् बिस्‍याँ, क्‍हेमैंए टोलिर्बै म्‍हिमैंइ खाबै शक्‍तिउँइँले मोंमैं ल्‍हाम्? छतसि चमैंइन क्‍हेमैंए निसाफ लब्मुँ।

लूका 11:19 ပူးပေါင်းရင်းမြစ်များ

मत्ती 10:25

दिलेया चेला ह्रोंसए गुरु धोंब धै केब्छैं ह्रोंसए क्ल्हे धोंब तल् खाँस्‍याँ सैं तोंल् त्‍हुम्। म्हिमैंइ धिंर्बै क्ल्हेनेन् बालजिबुल बिसि मिं थेंम् बिस्‍याँ खीए परवामैंने झन् खै बिलै?

मत्ती 4:24

छले सिरिया ह्‍युल तिगोंन् येशूजी लबै औदिबै केमैंए बयन थेनेइ। छतमा म्‍हिमैंइ ननाओलिबै नब्‍मैं, मोंइ स्‍याब्‍मैं, र बेथाइ स्याब्‍मैं, स्याले बेथाइ स्याब्‍मैं ताँन् म्हिमैंइ खी ङाँर पखइ, धै खीजी चमैं ताँन् सल् लमिंमल।

लूका 19:22

“क्ल्हेइ च के लबै म्हिने बिइ, ‘ओ, केर आफेबै म्हि! क्‍हिइ पोंबै ताँउँइँलेन् ङइ क्हिए निसाफ लब्मुँ। ङए सैं सारो मुँ, ङइ थेंइ आथेंबै सैन् किंमुँ, धै प्लुइ आप्‍लुबै सैन् खैंम् बिब क्‍हिइ सेना।

लूका 9:49

झाइले यूहन्‍नाइ बिइ, “ओ गुरु, क्‍हिए मिं तेसि मों ल्‍हाबै म्‍हि घ्रि ङिइ म्रोंइ, दिलेया ङिइ चने ‘छ आलद्’ बिइ, तलेबिस्याँ च म्‍हि ङिने बालु प्रसि क्हिइ बिब् धों आल।”

चेला चिब्मैंए केमैं 19:13

छाब् म्रोंसि को-कोइ स्युरदै प्रबै यहूदी फा फुइ लब्मैंइ मोंइ स्याब्मैंने प्रभु येशूए मिं तेदै बिइ, “पावलइ बिप्रबै येशूए मिंउँइँले त्होंह्‍याद् बिसि ङ क्हिने बिम्।”

रोमी 3:19

ठिमर्बै ताँ ठिम म्हाँदिब्मैंए ल्हागिर्न बिब ङिइ सेइमुँ। छतमा ताँन् ह्‍युलर्बै म्‍हिमैं परमेश्‍वरए उँइँर निसाफर रामा खाबज्‍यै या तोइ पोंबै घ्‍याँ आरे।