लूका 11:10 - परमेश्‍वरए ताँ तमु क्युइर

¹⁰ तलेबिस्याँ ह्रिब्मैंइ योंब्‍मुँ, म्‍हैब्मैंइ स्याब्‍मुँ, झाइले म्रार ह्राब्मैंए ल्हागिर परमेश्‍वरजी म्रा थोंमिंब्‍मुँ।

लूका 11:10 ပူးပေါင်းရင်းမြစ်များ

भजनमैं 31:22

ङ्हिंबै त्हेर ङइ बिइ, “क्हि ङाँइँले ङ ह्रेंगो तइमुँ।” दिलेया ल्होमिंन् बिसि क्हिने ग्वार ह्रिमा क्हिजी ङए ताँ थेमिंइ।

मत्ती 5:42

म्हिमैंइ क्‍हिने तोइ ह्रिसयाँ पिंन्, धै क्‍हिने छे ह्रिब्मैंलाइ ‘आपिं!’ आबिद्।

मत्ती 7:8

तलेबिस्याँ खाबइ ह्रिमुँ चइ योंब्मुँ, खाबइ म्हैमुँ चइ स्याब्मुँ, धै खाबइ म्रा ह्रामुँ चए ल्हागिरि म्रा थोंमिंब्मुँ।

लूका 11:11

“सैंर मैंन्दि, क्‍हेमैंए न्‍होंरि ह्रोंसए च्‍हइ क्हें ह्रिमा युँमा पिंबै आबा खाब् मुँगे धै ताँग ह्रिमा ताँगए साटोर प्‍हुरि पिंम्‌ रो वा?

लूका 11:9

“छतसि ङ क्‍हेमैंने बिमुँ, तो सै चैदिमुँ ह्रिब्रें लद्, झाइले परमेश्‍वरजी पिंब्‍मुँ। म्‍हैब्रें लद् क्‍हेमैंइ स्याब्‍मुँ। म्रार ह्राब्रें लद् क्‍हेमैंए ल्हागिरि खीजी म्रा थोंमिंब्‍मुँ।

लूका 18:1

चेलामैं खोंयोंन् बिलै प्राथना लरिगे धै सैं च्योंब आलरिगे बिबै सैंले येशूजी अहान् घ्रि बिइ।

याकूब 4:3

धै क्‍हेमैंइ परमेश्‍वरने ह्रिलेया आयों, तलेबिस्याँ क्‍हेमैंइ ह्रोंसए सयल थोबै ल्हागिर मत्‍त्रे आछ्याँबै सैंइ ह्रिम्।

याकूब 5:11

च आङ्हिंन्ले दुःख सैदिबै म्‍हिमैंने ङ्योइ ङ्‍हो सब्मैं बिम्। स्‍योंम्‍बै अय्यूब बिबै म्‍हिइ सैदिबै दु:ख नेरो प्रभुजी लिउँइँ चए फिर ल्हें आशिकइ प्लिंमिंइ बिबै ताँ या क्‍हेमैंइ थेइमुँ। छतसि प्रभुजी दयाम्हाँया लम् बिबै या ङ्योइ सेइमुँ।