लूका 11:1 - परमेश्‍वरए ताँ तमु क्युइर

¹ तिगें क्‍ल्‍ह्‍यो घ्रिर येशू प्राथना लरिल। खीजी प्राथना लल् खाँबै लिउँइँ खीए चेला घ्रिइ खीने बिइ, “ओ प्रभु, क्युर प्ल्हुँसि बप्‍तिस्मा पिंबै यूहन्‍नाइ ह्रोंसए चेलामैं प्राथना लब् लोमिंब् धोंले ङिलाज्यै या लोमिंन्।”

लूका 11:1 ပူးပေါင်းရင်းမြစ်များ

भजनमैं 10:17

ओ याहवेह! दुःख योंब्मैंए प्राथना क्हिजी थेम्; क्हिजी चमैंए सैं भोंब् लम्, धै चमैंइ ग्वार ह्रिब क्हिजी थेम्।

भजनमैं 19:14

ओ याहवेह, ङ लोबै पारा नेरो ङलाइ खामिंबै परमेश्‍वर, ङए सुँउँइँले त्होंबै ताँफुँमैं नेरो ङए सैंर मैंबै ताँमैं क्हिए उँइँर छ्याँब तरिगे।

लूका 10:42

दिलेया ताँ घ्रि मत्‍त्रे चैदिम्। काजी मरियमइ च छ्याँबै ताँ त्‍हाँइ। छतसि च ताँ चउँइँले ङइ प्हेंरिब् आरे।”

लूका 11:2

येशूजी चमैंने बिइ, “क्‍हेमैंइ प्राथना लमा छले लद्: ‘ओ आबा, ताँन् म्हिमैंइ क्हिए मिं पबित्र म्हाँदिरिगे, क्हिए ग्याल्स युरिगे,

लूका 6:12

च त्‍हेजरे येशू कोंर ह्‍यासि म्‍हुँइँसतिमि परमेश्‍वरने प्राथना लसि म्हुँइँस थोइ।

लूका 7:13

च कोलोए आमा म्रोंसि येशूए सैंर बेल्‍ले ल्‍हयो खसि चने “आक्रोद्,” बिइ।

लूका 7:19

चु ताँ थेसि यूहन्‍नाइ ह्रोंसए चेलामैं न्होंर्बै म्हि ङ्हिं प्रभु येशू ङाँर चु ताँ ङ्योएबर कुलइ, “युल् त्हुबै म्रुँ ख्रीष्‍ट क्‍हिन् उ? ङिइ अर्को म्‍हिए घ्याँ ङ्‍ह्‍योल् त्‍हुब् जा?”

लूका 9:18

तिगें येशू खी घ्रिन् प्राथना लरिमा चेलामैं या खी ङाँर्न मुँल। प्राथना लल् खाँसि खीजी चेलामैंने “म्‍हिमैंइ ङलाइ खाब् बिम्?” बिसि ङ्योएइ।

लूका 9:28

चु ताँ बिबै सद घ्रि लिउँइँ पत्रुस, याकूब नेरो यूहन्‍ना बोसि प्राथना लबर खी कोंउँइँ ह्‍याइ।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।

यहूदाइ प्‍ह्रिबै प्ह्रिछ्या 1:20

दिलेया ओ ङए खोबै थुमैं, क्‍हेमैं बिस्‍याँ ह्रोंसइ लबै पबित्र बिश्‍वासर भोंसि ततै ह्‍याद्, धै पबित्र प्ल्हए शक्‍तिउँइँले प्राथना लद्।