लूका 10:41 - परमेश्‍वरए ताँ तमु क्युइर

⁴¹ दिलेया प्रभु येशूजी चने बिइ, “ओ, मार्था क्‍हिइ ल्‍हें ताँर न्हुँ लम्।

लूका 10:41 ပူးပေါင်းရင်းမြစ်များ

मर्कूस 4:19

दिलेया चमैंइ चु ह्‍युलर्बै सैमैंर न्हुँ लसि, सैन्होरए (सम्‍पत्तिए) लोब लसि, ह्‍युलर्बै सैमैंर सैं ह्‍यासि चमैंए सैंर परमेश्‍वरए ताँमैं फारल् आपिं।

लूका 10:38

झाइले येशू चेलामैंने बालु घ्‍याँर ह्‍यारिमा नाँस घ्रिर फेखइ। च नाँसर मार्था बिबै च्हमिरिइ खीलाइ ह्रोंसए धिंर चब् चबर हुइ।

लूका 10:40

दिलेया मार्था बिस्याँ चब् लबर आतुर तरिल। छतसि मार्था येशू ङाँर ह्‍यासि बिइ, “ओ प्रभु, ङए अङाँइ के लबर ङलाइ आल्‍हो! क्‍हिइ चु ताँए बिचार आल वा? के ल्‍होब‍र च ङ ङाँर कुलमिन्।”

लूका 12:22

येशूजी ह्रोंसए चेलामैंने बिइ, “छतसि ङ क्‍हेमैंने बिमुँ, सोबै ल्हागिर ‘ङ तो चब् ङ्‍हे? तो थुँब् ङ्‍हे? धै ज्युए ल्हागिर तो खिब् ङ्‍हे?’ बिसि न्हुँ आलद्।

लूका 21:34

“छतसि क्हेमैं खैले टिल् त्‍हुम् बिसि सैंर मैंसि टिद्! ल्हें चब-थुँबाए लिलि आप्रद्, प्हा ल्‍हें थुँसि आम्हेरद् धै छ्ह खैले थोब् ङ्‍हे बिसि न्हुँ आलद्। छले ह्‍युलर्बै सैमैंर सैं ह्‍यारिमा थाइ आसेल्‍ले तिखेर्न च त्हिंइर क्हेमैं ङोर स्‍याब् धोंले स्याब्मुँ।

लूका 8:14

छलेन पुजु मुँबै क्‍ल्‍ह्‍योर तेबै प्‍लु चुन् ग: खाबइ परमेश्‍वरए ताँ थेमुँ। दिलेया लिउँइँ चु छ्ह खैले थोब् ङ्‍हे बिसि न्‍हुँ लमुँ धै सम्‍पति खैले योंब् ङ्‍हे बिसि ह्‍युलर्बै सैमैंर सैं ह्‍यासि चमैंए बिश्‍वास म्‍हयाम्। छतमा चमैं भोंसि आत।

यूहन्‍ना 11:1

बेथानिया बिबै नाँसर्बै लाजरस बिबै म्हि घ्रि नरिल। लाजरसए आनामैं मरियाम नेरो मार्था या च नाँसर्न टिमल।

यूहन्‍ना 11:5

येशूजी मार्था, मरियम नेरो लाजरसलाइ बेल्‍ले म्हाँया लमल।

यूहन्‍ना 12:2

खीए थुमैंइ चर खीए मान लबर ङेसर्बै चब् चबर हुइल। मार्थाइ चबै सैमैं पिंसेन् मुँल। लाजरसै या खीने बालु चब् चबर टिब्मैं न्होंर्बै घ्रि मुँल।

फिलिप्पी 4:6

छतसि तोइ ताँरै या न्हुँ आलद्, बरु तो चैदिले या ताँन् सैए ल्हागिर परमेश्‍वरलाइ धन्यबाद पिंसि प्राथनार ह्रोंस चैदिबै सैमैं ह्रिद्।