लूका 10:39 - परमेश्‍वरए ताँ तमु क्युइर

³⁹ मार्थाल मरियम मिं मुँबै अङाँ मुँल। मरियम प्रभु येशूए प्‍हले ङाँर क्हुँसि खीजी लोमिंबै ताँ थेरिल।

लूका 10:39 ပူးပေါင်းရင်းမြစ်များ

हितोपदेश 8:34

ङए ताँ थेबै म्हिइ आशिक योंम्, चइ त्हिं ह्रोंसे ङए म्राउँइँन ङ्‍होरिमुँ, धै ङए म्रार पैंरिम्।

लूका 10:42

दिलेया ताँ घ्रि मत्‍त्रे चैदिम्। काजी मरियमइ च छ्याँबै ताँ त्‍हाँइ। छतसि च ताँ चउँइँले ङइ प्हेंरिब् आरे।”

लूका 2:46

सोंरो लिउँइँ चमैं मन्दिरर ह्‍यामा येशू परमेश्‍वरए ठिम लोमिंबै म्हिमैंए म्हाँजोर क्हुँसि चमैंए ताँ थेसि चमैंने ताँमैं ङ्योएरिब स्याइ।

लूका 8:35

चमैंए ताँ थेसि “तो तगे” बिसि ङ्‌ह्‍योबर म्हिमैं येशू ङाँर खमा ओंसों मोंइ स्‍यासि सोबल् तबै म्‍हि सैं चिसि क्‍वें खिसि येशूए प्‍हले ङाँर टिरिब चमैंइ म्रोंइ। छाब् म्रोंसि चमैं ङ्हिंयाँइ।

यूहन्‍ना 11:1

बेथानिया बिबै नाँसर्बै लाजरस बिबै म्हि घ्रि नरिल। लाजरसए आनामैं मरियाम नेरो मार्था या च नाँसर्न टिमल।

यूहन्‍ना 11:19

छतसि ल्‍हें यहूदीमैं मार्था नेरो मरियम ङाँर चमैंए अलि सियाबै दुःखरि सैं क्‍होमिंबर खल।

यूहन्‍ना 12:3

च त्‍हेर्न मरियमइ सै ल्हें फेबै लिंबै थाँ खबै जटामसिए अत्तर तिम्‍नादे पखसि येशूए प्हलेर फोमिंइ। धै ह्रोंसए क्रप्होइ फ्‍योमिंइ। छलमा धिं तिगोंन् अत्तरए लिंबै थाँ नाँइ।

चेला चिब्मैंए केमैं 22:3

“ङ किलिकिया ह्‍युलर्बै टार्ससथें यहूदी ग, दिलेया ङ चु यरूशलेमर गमलिएल बिबै ङए गुरुए योउँइँले फारब् ग। धै ङ्योए खेमैंइ म्हाँदिबै रोसमैं ङइ छेनाले लोइमुँ। तिंयाँ क्‍हेमैंइ परमेश्‍वरलाइ सैं न्होंउँइँले म्‍हाँदिब् धोंले ङज्‍यै या खीलाइ म्‍हाँदिदा ङ्हाँइँमुँ।