लूका 10:29 - परमेश्‍वरए ताँ तमु क्युइर

²⁹ दिलेया च म्‍हिइ ह्रोंस ठिक के लबै म्हि ग बिसि प्हैंबर “छ बिस्‍याँ ङए ङ्‍हेब्-ट्हुब् खाब् जा?” बिसि ङ्योएमा

लूका 10:29 ပူးပေါင်းရင်းမြစ်များ

मर्कूस 8:34

झाइले येशूजी खीए चेलामैं नेरो म्हिए हुल खी ङाँर हुइसि बिइ, “खाब् मुँलेया ङने बालु प्रबै सैं मुँ बिस्‍याँ चइ ज्युए म्हाँया आलरिगे बरु क्रूस नोसि ङने बालु प्ररिगे।

लूका 10:36

चु अहान् बिल् खाँसि येशूजी च ठिम लोमिंबै गुरुने “चु सौंलो म्हिमैं न्‍होंरि खाबइ च ह्‍योइ धोंवाबै म्‍हिलाइ ङ्‍हेब्-ट्हुब्मैं धोंले म्‍हाँया लइ?” बिसि ङ्योएमा

लूका 16:15

धबै येशूजी चमैंने बिइ, “क्‍हेमैं म्‍हिमैंए उँइँरि ‘ङ छ्याँब धर्मि म्‍हि ग’ बिसि थेब प्‍हैंम्। दिलेया क्हेमैंए सैं न्होंर तो मुँ बिसि परमेश्‍वरजी सेम्। म्‍हिमैंए सैंर थेब ङ्हाँबै सै परमेश्‍वरए उँइँर तोइ आङिंबै सै ग।

रोमी 10:3

परमेश्‍वरजी म्हिलाइ खैले ठिक ठर्दिमुँ बिब चमैंइ वास्ता आल, बरु चमैंइ ह्रोंसइ लबै धर्म-कर्मइ परमेश्‍वरए उँइँरि ठिक ठर्दिल् म्‍हैइ। छतमा चमैं परमेश्‍वरए उँइँर ठिक ठर्दिबै घ्याँर प्रल् आङिं।

रोमी 4:2

अब्राहाम केउँइँलेन् परमेश्‍वरए उँइँर ठिक ठर्दिस्‍याँ चलाइ प्‍हैंबै घ्‍याँ तमल, दिलेया परमेश्‍वरए उँइँरि चल प्‍हैंबै घ्याँ तोइ आरेल।

गलाती 3:11

छतसि ठिमइ बिब् धोंले लसि खाबै या परमेश्‍वरए उँइँर ठिक ठर्दिल् आखाँ बिसि परमेश्‍वरए छ्वेर छेनाले प्‍ह्रिथेंइमुँ: “खाब् म्‍हिइ परमेश्‍वरए फिर बिश्‍वास लमुँ, च म्‍हिन् खीए उँइँर ठिक ठर्दिब्मुँ, धै चइ खोंयोंइ आखाँबै छ्ह योंब्‍मुँ।”

याकूब 2:24

छतमा खीए फिर बिश्‍वास लब्मैंइ बिश्‍वास मत्‍त्रे आङिं, छ्याँबै केमैं या लल् त्हुमन। छलस्याँ परमेश्‍वरए उँइँर ठिक के लबै म्हिमैं तब् मुँन।