लूका 10:15 - परमेश्‍वरए ताँ तमु क्युइर

¹⁵ ओ कफर्नहुमथेंमैं! क्हेमैं स्वर्गर ह्‍याल् योंम् ङ्हाँल् वा? आयों! क्‍हेमैं नर्गर्न भ्‍योंवाब्‍मुँ।”

लूका 10:15 ပူးပေါင်းရင်းမြစ်များ

उत्पत्ति 11:4

झाइले चमैंइ बिइ, “ल्हु, ङ्यो ह्रोंसए ल्हागिर सहर घ्रि नेरो स्वर्ग समा फेनेबै नुबै धररा घ्रि बनेसि। ह्रोंसए मिं थेंले। धै ङ्यो पृथ्बीर खनिरै आप्हुँले।”

मत्ती 10:28

“क्‍हिए ज्यु सैल् खाँब्‍मैंने आङ्हिंन्, तलेबिस्याँ चमैंइ क्‍हिए प्‍ल्‍ह सैल् आखाँ। बरु प्‍ल्‍ह नेरो ज्यु ङ्हिंन-ङ्हिंन् नर्गर भ्‍योंवासि नास लल् खाँबै परमेश्‍वर म्रोंसि ङ्हिंन्।

मत्ती 11:23

ओ कफर्नहुमथेंमैं, क्‍हेमैं स्वर्गर्न फेनेम् बिल् वा? आङिं! क्‍हेमैं नर्गर्न भ्‍योंवाब्‍मुँ। तलेबिस्याँ क्‍हेमैं ङाँर लब् धोंबै औदिबै केमैं सदोम सहरर लस्‍याँ च सहर नास आतल्‍ले तोगो समा तरिमल।

मत्ती 4:13

येशूजी ह्रोंसए नासरत बिबै नाँस पिसि कफर्नहुम बिबै नाँसर युसि टिबर होंइ। चु सहर जबूलून नेरो नप्‍ताली ह्‍युलए चेंदो मा ङ्युए छेउर मुँ।

लूका 13:28

“झाइले परमेश्‍वरए ग्याल्सर स्‍योंम्‍बै अब्राहाम, इसहाक, याकूब नेरो अगमबक्‍तामैं टिरिब क्‍हेमैंइ म्रोंब्‍मुँ। दिलेया परमेश्‍वरजी क्‍हेमैं बैरु भ्योंवाब्‍मुँ, झाइले क्हेमैं क्रोदै स ह्राब्मुँ।

लूका 16:23

च नर्गर फेनेसि बेल्‍ले दुःख योंरिमा चइ कैंडु स्‍वर्गउँइँ ङ्‌ह्‍योइ छले ङ्ह्‍योमा ह्रेंगोउँइँलेन् अब्राहाम नेरो चए क्वेंदर लाजरस क्हुँरिब् म्रोंइ।

२ पत्रुस 2:4

आछ्याँबै के लमा स्‍वर्गदूतलाज्यै या परमेश्‍वरजी ल्हयो आखल्‍ले निसाफ लबै त्हिंइ समा फैसि नर्गर्बै मिछु खबै क्ल्ह्‍योर भ्योंवाइ।