लूका 1:78 - परमेश्‍वरए ताँ तमु क्युइर

⁷⁸ तलेबिस्याँ ङ्योए परमेश्‍वरए ल्हयो म्हाँया मुँब मुँ, छतसि न्हाँगर प्योबै त्हिंयाँ धोंले खीए चारबै ह्‍वे स्वर्गउँइँले ङ्योए फिर चारब्मुँ।

लूका 1:78 ပူးပေါင်းရင်းမြစ်များ

भजनमैं 25:6

ओ याहवेह, स्योंम् ओंनोंन् ङए फिर मुँबै क्हिए थेबै दयाम्हाँया मैंमिंन्!

यूहन्‍ना 3:16

तलेबिस्याँ खीए च्हए फिर बिश्‍वास लब्मैं खाबै या नास आतरिगे, बरु खोंयोंइ आनुबै छ्ह योंरिगे बिसि परमेश्‍वरजी ह्‍युलर्बै म्हिमैंने ल्‍हें म्हाँया लसि खीए घ्रि दे मुँबै च्‍ह पिंइ।

एफिसी 5:14

छतसि “ओ न्‍हरु च्हुइरिब्‍मैं रेद्, सियाब्मैंए म्हाँजोउँइँले रेखो! झाइले ख्रीष्‍ट क्‍हिए फिर चारब्‍मुँ,” बिसि म्हिमैंइ बिम्।

फिलिप्पी 1:8

क्‍हेमैंए फिर ख्रीष्‍ट येशूजी खैले म्हाँया लमुँ, छलेन ङज्यै या क्‍हेमैं ताँनए फिर म्हाँया लसि साँ खम्। चु ताँ परमेश्‍वरज्यै सेइमुँ।

फिलिप्पी 2:1

क्हेमैं येशू ख्रीष्‍टने घ्रिन् तबइले सैं क्‍होल् लमिंबै भों, म्हाँया, पबित्र प्ल्हए संगति नेरो ल्हयो क्‍हेमैंने मुँ।

कलस्सी 3:12

क्हेमैं परमेश्‍वरजी खोबै त्हाँबै पबित्र म्हिमैं ग। छतसि खीए म्हिमैं तबइले क्‍हेमैंइ आगुए फिर ल्‍हयो खसि छ्याँबै के लब, थेब् आप्‍हैंब, ह्रिस आखब, धै सैदिल् खाँब तद्।

२ पत्रुस 1:19

धै अगमवक्तामैंइ येशूए बारेर बिबै ताँलाइ ङ्योइ भर लल् खाँम्। न्हाँग छझँ मि म्रोंबै त्हे आतन् समा धै न्हाँग छझँबै मुसारा आत्होंब् धोंले प्रभु येशू ख्रीष्‍ट युसि क्हेमैंए खोंर आचारन् समा अगमवक्तामैंइ प्ह्रिबै ताँ मिछु खैबर चारबै बत्ति धों तम्। छतसि चमैंए ताँलाइ न्ह क्रों मि क्रोंले थेंस्‍याँ क्‍हेमैंलाइ फायदा तम्।

१ यूहन्‍ना 3:17

दिलेया प्लबै म्‍हि घ्रिइ ह्रोंसए बिश्‍वासी अलि-अङाँलाइ खाँचो तब् म्रोंसेया चमैंए फिर सैं सारो लइ बिस्‍याँ, परमेश्‍वरए म्हाँया चने तम्‌ रो वा?

दर्शन 22:16

येशूजी बिइमुँ, “क्हेमैं ङए फिर बिश्‍वास लब्‍मैंए ल्हागिर चु ताँ बिमिंबर ह्रोंसए स्‍वर्गदूत ङइ कुल्मिंइमुँ। ङ दाऊदए सन्‍तानर्बै मुल खे ग। न्‍हाँगर्बै चारबै मुसारा ङन् ग।”