लूका 1:76 - परमेश्‍वरए ताँ तमु क्युइर

⁷⁶ ओ ङए च्ह, क्‍हि ताँन् भन्दा थेबै अगमबक्‍ता तब्‍मुँ, तलेबिस्याँ परमेश्‍वरजी कुल्‍मिंबै म्रुँए ओंसों ह्‍यासि खीए ल्हागिर क्‍हिइ घ्‍याँ छ्याब्मुँ।

लूका 1:76 ပူးပေါင်းရင်းမြစ်များ

भजनमैं 87:5

म्हिमैंइ सियोनए बारेर छले बिब्मुँ, “चु तान् म्हि चर्न फिल; झाइले ताँन् भन्दा थेबै परमेश्‍वरजीन् चलाइ भोंब लमिंब्मुँ।”

मत्ती 14:5

छतसि हेरोदइ यूहन्‍ना सैबै सैं ललेया चर्बै यहूदी म्हिमैं म्रोंसि ङ्हिंमल। तलेबिस्याँ “यूहन्‍ना अगमबक्‍ता ग,” बिसि चमैंइ म्हाँदिमल।

मत्ती 21:26

दिलेया ‘म्हिमैंउँइँले’ बिले बिस्‍याँ म्हिमैंइ तोइ लम् उ बिसि ङ्हिंल् त्हुइमुँ। तलेबिस्याँ यूहन्‍ना अगमबक्‍ता ग बिसि ताँन् म्हिमैंइ म्हाँदिम्।”

मत्ती 3:11

“क्‍हेमैंए सैं परमेश्‍वरउँइँ एइ बिब् उँइँबर ङइ क्‍युर प्‍ल्हुँमिंसि बप्‍तिस्‍मा पिंम्। दिलेया ङए लिलि युबै म्‍हि ङ भन्दा बेल्‍ले शक्‍ति मुँब मुँ। खीजी क्‍हेमैं परमेश्‍वरए पबित्र प्ल्ह नेरो मिइ बप्‍तिस्‍मा पिंब्‍मुँ। ङम् खीए जुत्ता नोबै लायगर्बै आरे।

मत्ती 3:3

स्‍योंम्‍बै यशैया बिबै अगमबक्‍ताइ छ बिसि यूहन्‍नाए बारेर प्‍ह्रिल: “क्यु आयोंबै क्ल्ह्‍योर म्‍हि घ्रिइ कै तेसि छ बिसिन् मुँ, ‘याहवेहए ल्हागिर घ्‍याँ छ्याद्! खी प्रबै ल्हागिर आछ्याँबै घ्‍याँमैं क्योंएँन्!’”

मर्कूस 11:32

दिलेया ‘म्‍हिमैंउँइँले हग योंब् ग’ बिब आत!” तलेबिस्याँ चर्बै म्‍हिमैं म्रोंसि चमैं ङ्हिंमल, तलेबिस्याँ ताँन् म्हिमैंइ यूहन्‍ना क्‍ह्रोंसेंन्‍बै अगमबक्‍ता ग बिमल।

लूका 1:32

खी बेल्‍ले कालदिब तब्‍मुँ। धै ताँन् म्‍हिमैंइ खीलाइ धाँसे थेबै परमेश्‍वरए च्‍ह बिब्‍मुँ। खीए खे दाऊद धोंले परमेश्‍वरजी खीलाइ म्रुँ लमिंब्‍मुँ।

लूका 1:35

स्‍वर्गदूतइ चने बिइ, “पबित्र प्ल्ह क्‍हिए फिर युब्‍मुँ, धै ताँन् भन्दा थेबै परमेश्‍वरए शक्‍तिए छरिउँइँले क्‍हिइ प्‍हसे नोब्मुँ। छतसि क्‍हिए प्‍हसे पबित्र तब्मुँ, म्‍हिमैंइ खीने परमेश्‍वरए च्‍ह बिब्‍मुँ।

लूका 6:35

छले आङिं, ह्रोंसए शत्तुरमैंलाज्यै या म्‍हाँया लद्, चमैंए फिर ल्हयो खद्, एल् आखाँबै म्‍हिमैंलाज्यै या छे पिंन्। छलस्याँ परमेश्‍वरङाँइँले क्‍हेमैंइ थेबै इनाम योंब्‍मुँ। धै क्‍हेमैं ताँन् भन्दा थेबै परमेश्‍वरए च्ह-च्हमि ठर्दिब्‍मुँ, तलेबिस्याँ परमेश्‍वरजी बैगुनिमैं नेरो दुष्‍टमैं फिर ल्हयो खम्।

यूहन्‍ना 1:23

यूहन्‍नाइ बिइ, “स्योंम्बै येशैया अगमबक्‍ताइ बिब् धोंले, ‘याहवेहए ल्हागिर घ्‍याँ क्योंएँन्!’ बिसि, म्हि आटिबै क्ल्ह्‍योर तेबै कै घ्रि ङन् ग।”

यूहन्‍ना 1:27

खी ङए लिलि युलेया खीए जुत्ताए तनि प्‍ल्ह्‍बर ङ्हेंब ङ आरे।”

यूहन्‍ना 3:28

‘परमेश्‍वरजी कुल्‍मिंबै म्रुँ ख्रीष्‍ट ङ आङिं, दिलेया खी भन्दा ङ ओंसों कुल्‍मिंब् ग।’ बिसि ङइ बिबै ताँ क्हेमैंइ ओंसोंन् थेइमुँ

चेला चिब्मैंए केमैं 16:17

च पावल नेरो ङिए लिलि खसि, “चु म्हिमैं धाँसे थेबै परमेश्‍वरए सेवा लब्मैं ग। चुमैंइ क्हेमैं मुक्‍ति योंबै घ्याँ बिमिंरिमुँ,” बिदै ओरइ।